[[Imachen:Acid rain woods1.JPG|thumb|right|250px|Efectos de la plevia acida en una [[selva]] de la [[Republica Checa]]]]
La '''plevia acida''' se forma quan la [[humidat]] en l'aire se combina con l'[[oxido de nitrochén]] y lo [[dioxido d'ixufre]] emesos por [[fabrica]]s, [[central electrica|centrals electricas]] y [[vehiclo]]s que creman [[carbón]] u productos derivatos de lo [[petrolio]]. En interacción con la [[vapor d'augua]], estos gases forman [[acido sulfurico]] y [[acido nitrico]]. A la fin, estas sustancias [[quimica]]s cayen a la tierra acompanyando a las [[precipitación|precipitacions]], constituindo la plevia acida.
Los contaminants [[atmosfera|atmosfericos]] primarios que orichinan la plevia acida pueden recorrer grans distancias, los [[viento]]s los trasladan cientos u mils de [[kilometro]]s enantes de precipitar en forma d'[[agualera]], [[rosata]], [[plevia]], [[piedra (precipitación)|piedra]], [[nieu]] u [[boira]]. Quan la precipitación se produce, puet malmeter muito lo [[medio ambient]]. La plevia acida se considera un [[impacto ambiental]] d'escala rechional.
La [[plevia]] normal por un regular presenta un [[pH]] de d'alto u baixo 5.65 (un poquet acido) por lo [[dioxido de carbonio|CO<sub>2</sub>]] atmosferico, que forma [[acido carbonico]], H<sub>2</sub>CO<sub>3</sub>. Se considera plevia acida si presenta un [[pH]] de menos de 5 e puet plegar a lo pH de lo [[vinagre]] (pH 3). Estos valors de pH s'alcanzan por la presencia d'acidos fuertes como l'[[acido sulfurico]], H<sub>2</sub>SO<sub>4</sub>, y l'[[acido nitrico]], HNO<sub>3</sub>. Estos acidos se forman a partir de lo [[dioxido d'ixufre]], SO<sub>2</sub>, y lo [[monoxido de nitrochén]], que reaccionan con l'augua y forman acidos.
Los [[hidrocarburo]]s y lo [[carbón]] usatos como fuent d'[[enerchía]], en grans cantidatz, pueden tamién producir [[oxido]]s d'[[ixufre]] y [[nitrochén]].
