Diferencia entre revisiones de «Manchuria»

'''Manchuria''' ye una [[rechión historica]] d'[[Asia]] repartita actualment entre [[China]] y [[Rusia]] y situata entre [[Mongolia interior]], atras partz de [[China]], [[Coreya d'o Norte]], [[Siberia]] y l'[[Ocián Pacifico]]. A part chinesa d'a Manchuria historica tien 1.550.000 km² y corresponde a una part de l'este de [[Mongolia Interior]] y a la [[rechions de China|rechión]] de [[Dongbei Pingyuan]], con as provincias de [[Liaoning]], [[Heilongjiang]] y [[Jilin]]. A part rusa d'a Manchuria historica tien 1.000.000 km² y corresponde a [[Primorsky Krai]], [[Amurskaya Oblast]], a lo sud de [[Khabarovsk Krai]] y a [[Yevreyskaya avtonomnaya oblast]]. A vegatas quan se parla de Manchuria se fa referencia en realidat a la rechión de [[Dongbei Pingyuan]] de China, que ye a part central d'a rechion y on ye a capital historica, [[Mukden]] (uei [[Shenyang]]).

 

Os manchús vedaban a inmigración de hans ta Manchuria, pero os zaguers tiempos d'o suyo mandato os [[dinastía Qing|Qing]] permitioron a los chineses d'etnia [[hans|han]] emigrar a Manchuria pa evitar que cayese en poder d'o [[Imperio Ruso]]. Os Qing tamién deportoron a los [[dagur]] ta Mongolia y [[Xinjiang]] pa evitar que cayesen en a esfera d'influencia d'os rusos. O [[Imperio Ruso]] prenió o control de bells territorios de Manchuria en o [[tractato de Nertchinsk]] en 1689, quan se fixan unas mugas entre o [[Imperio Ruso]] y [[China]]. O [[Imperio Ruso]] plegó a ocupar quasi tota a Manchuria historica dica que fue derrotata en a [[Guerra Ruso-Chaponesa]] ([[1904]]-[[1905]]).

 

Os hans rematoron por predominar demograficament en Manchuria, y a emigración de hans continó en o periodo d'[[ocupación chaponesa]], quan os chaponeses permitioron a emigración masiva de hans como man d'obra barata en o suyo [[estato satelite]] de [[Manchukuo]]. A ocupación chaponesa fue seguita por una breu pero destructiva ocupación sovietica a la fin d'a [[Segunda Guerra Mundial]]. China recuperó Manchuria, y en o periodo comunista continó a inmigración chinesa.