O '''Estato Otomán''' (en [[turco otomán]] دولتِ عَليه عُثمانيه, ''Devlet-i Aliye-i Osmaniye''; en [[Idioma turco|turco]] muderno Osmanlı Devleti), mas a sobén dito '''Imperio Otomán''' (en [[turco]] ''Osmanlı İmparatorluğu''), estió un [[estato]] y una potencia imperial situata en a suya mayor parti arredol d'a ribera d'a [[Mar Mediterrania]], y que existió en o periodo de tiempo entre [[1299]] y [[1922]]. En l'inte de mas amplaria, o [[sieglo XVII]], o imperio incluiba tota a peninsula d'[[Anatolia]], [[Orient Meyo]], colonias en o norte d'[[Africa]], a mayor parti d'os territorios situatos en a francha que va dende o sudeste d'[[Europa]] ([[Balcans]], [[Grecia]], [[Bulgaria]], [[Rumanía]]) a o [[Caucas]] en o norte. En total teneba una [[superficie]] de bells 20 millons de [[kilometros quadratos]], encara que a mayor parti no yera baixo control dreito d'o gubierno central. As posesions d'o Imperio se trobaban entre Orient y Occident por lo que mientres os suyos seis [[sieglo]]s d'historia as suyas relacions internacionals estioron enfluenciatas por iste feito.
