Diferencia entre revisiones de «Turquía»

A '''Republica de Turquía''' (''Türkiye Cumhuriyeti''), u simplament '''Turquía''' (''Türkiye'') ye situata entre [[Asia]] (97% d'o suyo territorio) y [[Europa]] (3% d'o suyo territorio). A peninsula asiatica d'[[Anatolia]] entre a [[Mar Negra]] y a [[Mediterrania]] forma o «corazón» d'o país, a resta d'o país lo forma a rechión europea de [[Tracia]]. Muga a lo noreste con [[Cheorchia]], a l'este con [[Armenia]] y a [[Republica Autonoma de Nahicheván]] ([[Azerbaichán]]), a lo sudeste con [[Irán]], a lo norte con a [[mar Negra]], a l'ueste con [[Grecia]], a [[mar Echea]] y [[Bulgaria]], y a lo sud con [[Iraq]], [[Siria]] y a [[Mediterrania|mar Mediterrania]]. A deseparación entre Anatolia y Tracia ye formata por a [[Mar de Marmara]] y os estreitos de Turquía (o [[Bosforo]] y os [[Dardanelos]]), fan de muga entre [[Asia]] y [[Europa]], por lo que Turquía ye considerata como [[Países transcontinentals|transcontinental]].<ref>[http://www.sabanciuniv.edu/socrates/ects/go.php?page=turkey_geography Geography of Turkey, Sabancı University]</ref>

A causa d'a suya localización estratechica entre dos continents, a cultura de Turquia ye una mezcla unica d'as tradicions orientals y occidentals. I existioron diferents entidatz politicas dende l'[[Antigüedat]]. As tribus [[luengas turquicas|turquicas]] invadioron o territorio en o [[sieglo XI]]. O [[Imperio Otomán]] principión a estendillar-se a partir d'o [[sieglo XIV]]. En l'actualidat, Turquía ye una [[republica constitucional]], [[Estato unitario|unitaria]], [[democracia|democratica]] y [[Estato secular|secular]], formata dimpués d'a cayita d'o [[Imperio Otomán]] en a [[Primera Guerra Mundial]]. Dende allora, Turquía s'ha integrato cada vegata más en occident y ye miembro de bellas organizacions como lo [[Consello d'Europa]] (1949), a [[OTAN]], (1952), a [[OCDE]] (1961), a [[OSCE]] (1973) y o [[G20]] (1999). Turquía principió as negociacions ta esdevenir miembro plen d'a [[Unión Europea]] en 2005, encara que'n ha estato miembro asociato dende 1995. Turquía ye clasificata, seguntes bellas organizacions como [[país desembolicato]],<ref>[https://www.cia.gov/library/publications/the-world-factbook/appendix/appendix-b.html CIA World Factbook]</ref> y como [[potencia rechional]].<ref>[http://www.stratfor.com/products/premium/read_article.php?id=293204 Stratfor: "The Geopolitics of Turkey", por George Friedman.] Publicato lo 31 de chulio de 2007</ref>