Como evolución d'o ''[[Homo erectus]]'' u ''[[Homo heidelbergensis]]'' amaneixió l'hombre de Neanderthal u ''[[Homo neanderthalensis]]'', a segunda especie d'o chenero ''[[Homo]]'' present en o continent europeu, dende fa alto u baixo 300.000 anyadas, y con adaptacions a lo clima frido que trayeban as glaciacions. Os hombres de neanderthal desembolicoron a cultura musteriense.
Fa unas 40.000 anyadas y aproveitando un interestadial menos frido en a [[glaciación de WrumWürm]], plegó dende Asia o dito ''[[hombre de Cro-Magnon]]'', que ya perteneixeba a la especie ''[[Homo sapiens]]''. Os cromanyons desplazoron a los neandertals enta zonas marguinals como a Peninsula Iberica u os Balcans. As teorías mas antigas deciban que no heban existido cruces entre istas dos especies,<ref>{{es}} [http://www.elpais.com/articulo/sociedad/hubo/cruce/neandertales/humanos/elpepusoc/20071026elpepisoc_13/Tes ''No hubo cruce entre neandertales y humanos]'', en o diario ''[[El País]]'' ([[2007]]).</ref> pero seguntes as zagueras investigacions se diz que l'hombre europeu actual puet tener [[chen]]s d'os neanderthals, con os qualos s'habría aparellato en dos momentos historicos diferents.<ref>{{es}} [http://www.publico.es/ciencias/307034/neandertales/pudieron/hijos/sapiens?ct=bounce&cf=lomas&cfid=detalle ''Los neandertales pudieron tener hijos con los sapiens''], en o diario ''[[Público]]'' ([[2010]]).</ref> En qualsiquier caso, os neanderthals desapareixioron fa arredol de 28.000 anyadas.
A fin d'a glaciación de WrumWürm trayó uns cambios ecolochicos que facioron a la [[fauna d'o frido]] ([[Mamut lanut|mamutz lanutz]], [[rinoceront lanut|rinoceronts lanutz]], etc..) emigrar enta arias marguinals d'o norte. Con o desplazamiento d'as zonas climaticas, de vechetación y fauna enta o norte, tamién emigroron os [[cromanyoide|cromanyons]]. Os animals d'o frido heban sobrevivito a atros periodos integlacials, pero en esta desglaciación sufrioron a sobrecaza por part d'os cromanyons y s'extinguioron. Os cromanyons d'o sud y centro d'Europa evolucionoron enta unas poblacions con rasgos més gracils que teneban una cultura cazadora-recolectora calificata de epipaleolitica.
Os cazadors-recolectors epipaleoliticos se barrachoron con poblacions que veniban d'[[Orient Meyo]] con un modo de vida agricola y ganadero, producindo-se a colonización neolitica d'Europa, que tenió dos camins principals , uno de mediterranio (neolitico [[cardial]]) y atro de centroeuropeu dito danubián. En l'Aria Atlantica ya encomienzan as construccions [[megalitismo|megaliticas]] ya a fins d'o neolitico.
