Mundir I

Plantilla:Plantilla Rei Mundir ibn Yahyá al-Tuyibí (muerto en 1021 u 1022). Rei d'a taifa de Saraqusta entre 1018 e 1021 u 1022 pertenexient á lo linache d'os tuyibís.

Biografía

Ganó prestichio luitando en os exerzitos d'Almanzor, lo que le balió posteriorment otener o cargo de gubernador de Tudela (cabeza de destrito d'a Marca Superior) en 1005. Partizipó en as luitas zebils acayezitas en Cordoba dezaga d'o primer estronamiento en 1009 de Hisham II.

Más tardi otenió lo gubierno como emir de Saraqusta, que le dió en 1013 o califa Sulaiman al-Mustain. Con o deterioro d'o poder zentral en Al-Andalus, se declaró independient, prenzipiando asinas a epoca d'o reino independient de Saraqusta en 1018, año en que cudió as suyas primeras monedas como rei taifa. Prenzipió un periodo de millora d'obras publicas, con a enamplazión d'a mezquita aljama de Saraqusta. Antimás ta dar una mayor imachen de cultura á la suya cort, trayió poetas prestichioso como Ibn Darray.

Respeutibe á la politica esterior, mientres d'o suyo reinato estió fustigato cuasi de contino por Sancho lo Gran de Pamplona. Ta mirar de contrarrestar-lo achustó lo matrimonio entre Berenguer Remón I de Barzelona e Sancha, filla de Sancho Garzía de Castiella en 1021, e d'ista traza consiguió l'alianza d'istos dos condatos cristians ta enfrentar-se á Sancho lo Gran.

{{{títol}}} 1018- 1021 u 1022

Fuents

• CERVERA FRAS, M ª José, El reino de Saraqusta, Zaragoza, CAI, 1999. ISBN 8488305931
• CORRAL, José Luis, Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. ISBN 8480691557
• MONTANER FRUTOS, Alberto, "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. ISBN 8486794978
• VIGUERA MOLINS, Mª Jesús, Aragón musulmán, Zaragoza, Mira editores, 1988. ISBN 8486778069
• VIGUERA MOLINS, Mª Jesús, El islam en Aragón, Zaragoza, CAI, (Col. «Mariano de Pano y Ruata», nº 9), 1995. ISBN 8488305273

Enrastres esternos

• Mundir I, en a Gran Enciclopedia Aragonesa.