La chent de las aldeyas heban de pagar una [[peita]] de 7000 [[sueldo (moneda)|sueldos]] a lo rei, a més de atras cantidatz a lo [[Concello municipal|concello]] y a los oficials de [[Teruel]]. Las aldeyas yeran agrupatas en [[sexmas]].
Lo suyo maximo [[organo de gobiernogubierno]] yera la [[plega]] cheneral, gran asambleya formata por totz los oficials de la Comunidat y por los [[procurador]]s ninviatos por los concellos de las aldeyas, presidita por lo [[baile]] cheneral d'Aragón. No hi heba puesto fixo de reunión y podeba celebrar-se en qualsiquiera de las aldeyas. Plegas, se'n convocaban tantas como calesen, pero preceptivament heban de convocar-ne cada anyata en calendata fixa. En una primera epoca, yera lo [[29 de setiembre]], y dimpués, en lo sieglo XV, l' [[1 d'octubre]]. En esta plega de [[Sant Miguel]] renovaban los cargos y trataban tot lo que tenese relación con los presupuestos comunitarios. Los oficials que gobernabangubernaban y administraban la comunidat yeran lo procurador cheneral, lo escribán y los sexmers (uno por [[sexma (historia)|sexma]]). La [[seu social|seu]] d'esta comunidat yera en l'actual [[Museu Provincial de Teruel]].
En cada aldeya lo rechimen de gobiernogubierno yera lo [[concello ubierto]] y bi heba dos churatos y un [[almutazaf]].
