Heroi

Un heroi (u, en feminín, una heroína) ye una presona qui sobreixe d'a meya por as suyas caracteristicas morals, por un regular relativas a la valgua. Tamién se fa servir pa referir-se a los protagonistas de qualsiquier ficción.

Heracles, o més famoso d'os herois griegos, en un manuscrito meyeval

En o suyo orichen, un heroi yera o presonache d'a mitolochía griega que sin estar un dios (y por tanto immortal), yera capable de fer prodichios y actividats fuera de l'abasto humán ordinario. Los herois estioron dimpués o centro d'a epopeya y d'a canta de chesta meyeval. O heroi destaca por as suyas aptitutz guerreras, pero con o paso d'o tiempo tamién se troba herois amorososos u humanitarios (os santos cristians son os continadors relichiosos d'os herois).

En o mundo d'a historieta u comic o concepto d'heroi ha evolucionau enta o superheroi.