Diferencia entre revisiones de «O Pueyo d'Araguás»

Esta estructura urbanistica permetiba d'esfensar o lugar con prou més trazas, deixando-ne o final d'a carrera ubierto per o sud anque enchascato d'entre casas de manera que estás posible trangar-lo con una [[varanabarana]] u puerta, y con a dentrata prencipal per baixo d'a [[Ilesia (edificio)|ilesia]], que con a [[torre]] plena d'[[aspillera]]s, constituyeba l'[[edificio]] més fácil d'esfensar y asinas un bastión en a puerta d'o lugar. Os enchaques d'ixa manera de construir han remaso dica os nuestros días en a memoria oral d'os pobladors més ancianos d'a redolada, bells en dicen que yera "''ta defender-se en tiempos de Napolión''", altros "''ta quan veniban os franceses''". Probablement, os oríchens d'ixa traza constructiva son més antigos que no a [[Guerra d'o francés|guerra contra Napolión]], y caldría millor de mirar-los d'entre es conflictos hispano-franceses d'o [[sieglo XVI]], que condicionoron de manera efectiva a fesionomía de tantos lugars montanyeses.