Diferencia entre revisiones de «Remiro II d'Aragón»

O suyo chirmán, o rei [[Alifonso I d'Aragón|Alifonso I]], fació herederas d'os suyos reinos a las Ordens Melitars, pero dengún no quereba cumplir dito testamento y os nobles aragoneses, aplegatos en [[Chaca]] en [[1134]], reconoixioron a Remiro como rei. Os navarros esleyoron a [[García Remíriz de Navarra|García Remíriz]], descendient d'a primera dinastía pamplonesa. En ixe inte Ramiro yera bispe de Roda-Balbastro, pero habió d'ocupar a cadiera reyal. En noviembre plegó ta [[Zaragoza]] y i recibió o churamento de fidelidat d'os varons d'o reino, dica que i plegó a la ciudat o [[Lista de reis de Castiella|rei]] [[Alifonso VII de Castiella|Alifonso VII]] de [[Reino de Castiella|Castiella]]. Encara que amás bi abió sulevacions (como en [[Uncastiello]]), Remiro consolidó a suya posición contra os navarros y os castellans, encara que perdió o [[reino de Navarra]] y [[Nachera]].

 

 

En o Reino d'Aragón i heba bells bandos nobiliarios que luitaban por adubir mayors cotas de poder y de riqueza. Ixos bandos s'enfrentoron entre ells aproveitando o cambeo de monarca. En una d'ixas letigas Remiro II quasi perdió o tron, por lo que habió que cubillar-se en [[Condato de Besalú|Besalú]] en [[1135]]. A la suya tornada solucionó o poblema mandando escabezar a bells nobles que heban enrestito una caravana de musulmans en tiempo de tregua. Iste succeso dió orichen a la leyenda d'''[[a campana de Uesca]]''.