Diferencia entre revisiones de «Feno»
Contenido eliminado Contenido añadido
Sin resumen de edición |
mSin resumen de edición |
||
Linia 1:
[[Imachen:
O '''feno''' u '''fen''' (d'o [[Idioma latín|latín]] <''FENUM''), anque ye muit freqüent que se le diga simplament «'''hierba'''», ye a [[mezcla]] de [[hierba]]s secas con a qual s'alimenta a bells animals [[Herbivorismo|herbivoros]] domesticos, especialment quan se tienen en condicions de reclusión y no pueden paixentar-se solos.
O feno actúa como base de l'alimentación de bells animals domesticos, como os [[Oryctolagus cuniculus|conillo]]s, que por estar fuyedizos no pueden deixar-se en puestos ubiertos a on que podrían consumir a hierba solos. Tamién ye la base d'alimentación que tienen totz os grans herbivoros, dende [[Ovis orientalis aries|ovellas]] y [[Capra aegagrus hircus|crabas]] dica [[vaca]]s, [[buei]]s, [[mula]]s y [[caballo]]s, en os meses fridos.
Manimenos, a totz os animals alimentaus con feno ye convenient que se les complemente a dieta con belatros alimentos, como [[cerials]] (principalment s'emplega l'[[hordio]] u o [[Avena|cevau]]) y/u [[prenso]]s sinteticos.
== Composición ==
O feno se composa de [[hierba]]s diversas, no siempre cautivadas, u d'una sola especie en función d'a on procede. Anque existe especie domesticadas principalment ta fer-ne feno, como l'[[alfalz]], y cada vegada con más freqüencia o feno se fa con ixas especies, tradicionalment tamién s'ha aprofitau o feno natural que dimana de [[fenal]]s u extensions a on que a diversidat d'especies [[Planta herbacia|herbacias]] s'ha manteniu, de forma natural, porque se i feba pasturar os animals domesticos.
Por ixo, o feno de fenal tipico se forma d'una gran diversidat de hierbas d'entre as que predominan as [[Poaceae|graminias]] (especialment, as que se conoix de forma colectiva como [[bellueca]]s) por estar mas resistents y adaptaderas a la pastura freqüent de o [[ganau]]. Iste tipo de feno s'asocia con expleitacions rurals, no mecanizadas, en as quals a siega d'a «hierba» se fa en os propios [[erial]]s a on que en os meses favorables s'ha feito paixentar a os animals.
Muit a sobén, os fenals de feno natural son luent de o nuclio de población y no son terrens [[agricultura|de cultura]], sino semi-silvestres que fan parte d'un paisache humanizau, a on que a pastura d'os animals durant anyos ha condicionau a formación d'un [[prau]] herboso pero con especies silvestres. O feno d'iste tipo d'extensions se siega a mano, con o [[dallo]], y se transporta ligau en [[falciello]]s con [[baste]]s y [[samuga]]s sobre os [[masto]]s, u en [[carro]].
A despoblación d'o mundo rural, que ha deixau desamortizadas muitas fincas que enantes yeran precisas ta la producción d'alimentos humans, en chunto con a mecanización de l'agricultura, ha favoreixiu o cautivo de l'alfalz como especie fenera. En l'actualidat, en países de [[climen mediterranio]] (como o que tenemos en a [[Peninsula Iberica]]) l'alfalz ye a principal especie que s'emplega como feno; y a demés se cautiva de propio ta ello, mientres que fa bellas decadas quan no i heba tanta maquinaria en as fayenas de l'agricultura, os campos d'alfalz yeran una minoría.
== Importancia ==
As reservas de feno yeran cabals en a [[ganadería]] tradicional, pus de l'acumulación de hierba dependeba a supervivencia de o [[ganau]] en os periodos de carencia, como l'[[hibierno]]. Ta iste manester, quasi todas as casas con reses de ganau segaban y guardaban hierba en [[hierber]]s u en [[paller]]s en o [[verano]], y a cantidat que se podese guardar en istas dependencias yera muit a sobén o factor limitant que determinaba o numero maximo de cabezas que podeba tener una casa.
A demés d'isto, o feno se podeba almagazenar apilau en [[nieda]]s, arredol d'un niedil, anque como d'ista forma ye mas exposau a o tempero, gosa putrir-se y tiene una vida menor.
== Se veiga tamién ==
*[[Palla]]
*[[Hierbero]]
*[[Roscadero]]
*[[Banasto]]
==Vinclos externos==
|