Neurona

Una neurona ye un tipo de celula especializada en transmitir corrients electroquimicas, constituye la mes gran part de lo teixito nervioso y ye la unidat funcional y estructural de lo sistema nervioso central.

Esquema d'una neurona tipica.

Dibuixo de Santiago Ramón y Cajal de neuronas d'o cerebelo d'un pichón. (A) Representa Celulas de Purkinje, un eixamplo de neurona multipolar. (B) Representa celular granulosas, tamién multipolars.

La neurona ye formada por un cuerpo celular u "soma" y unas prolongacions. Las prolongacions son de dos tipos: dendritas y axons. Totas as neuronas tienen una u mes dendritas, que son muito ramificadas y ye por a on vienen los senyals de los receptors u d'atras neuronas. Dende lo cuerpo celular u soma de la neurona sale un solo axón, muito luengo en relación a lo soma y con un diametro uniforme; representa una fibra nerviosa y ye por a on salen las corrients electroquimicas u impulsos nerviosos de lo soma. En los vertebratos y atros animals puet estar cubierto por una vaina aislant.

En los vertebratos las fibras nerviosas son agrupadas en faixos que son embolicaus por teixito conchuntivo y constituyen los niervos. Los cuerpos neuronals d'estas fibras son situaus en lo sistema nervioso central u en ganglios, chicotas agrupacions de cuerpos neuronals fuera de lo sistema nervioso.

Bibliografía

• C.P.J.Hickman Principios Integrales De Zoologia - 10ª Ed. McGraw-Hill. 1998.
• Natividad Ferrer Marí, Miguel Gracia Vicente, Manuel Medina Martínez Bachillerato. Biología y Geología Bruño, 2008.