Diferencia entre revisiones de «A Fueva»

Se tracta d'una plana de dimensions considerables si se'n considera la posición tan á man d'o [[Pireneu]] más abrupto; con grans extensions [[agricultura|agricolas]], constituida por una cuenca [[sedimentación|sedimentaria]] delimitada en norte y con una disposición muit transversal por o macizo d'as [[sierras interiors pirenencas]], representadas astí por a [[Sierra Ferrera]], y en sud por as [[sierras exteriors pirenencas]] que se representan con a [[Sierra de Paniello|sierra de Panillo]]. Por lo sud-este y l'este a [[sierra de Santa Liestra]] y as suyas estribacions septentrionals que gosan unir-se con a Sierra Ferrera y reciben o nombre popular de [[monts de Foradada]] (en alusión á [[Foradada d'o Toscar]]) la cierran y deseparan d'a [[val de l'Esera|val d'o río Esera]], y con él, d'a comarca d'a [[Ribagorza]], mientres que por l'ueste, una serie de monts menos extensos y de paso de millor transitar, conoixidosconoixius como [[sierra de l'Entremont]] (en sud-ueste), a [[sierra de Muro de Roda]] (este) y [[sierra d'Arro]] (norueste) la deseparan, anque con menor hermetismo, d'a [[val d'a Cinca|val d'o río Cinca y de l'Aínsa]].

A Fueva se comunica con a val de l'Esera por tres pasos transmontans. En o tercio norte, o [[collau d'A Foradada]] fa de paso natural y tradicional d'entre o sector más nortenco d'A Fueva (dito «[[Baixo Penyas]]») y a val de l'Esera, comunicando as [[aldeya]]s y lugarichons que enantes s'heba conoixidosconoixius como [[Toledo d'A Nata]] con a ribagorzana [[tierra de Campo]] á traviés d'os monts de Foradada. Por a baixant sud d'o «tozal de Fuent de Campo» tamién enfila un caminet, anque de peyor transitar, que esnaviesa o sarrato cara ta Foradada tamién, dimpués de pasar por [[Ranyín]] y por [[O Lumo de Ranyín]], en dindo-se-ne no guaire luent d'á on que remata lo paso d'o Collau de Foradada, á tamas d'a diferencia en kilometros d'os puestos á on que se pillan os camins en a versant fovana. O tercer paso y lo solo que existe en a metat meridional que pase directament t'a Ribagorza sin pasar por a val d'a Cinca ye lo camín de [[Formigals]] y de [[Troncedo]], posiblement o motivo ta existir-ie lo formidable castiello (en Troncedo), pus a localidat el domina dende un promontorio. Iste zaguer camín conduce t'a [[villa]] de [[Graus]] que, mal que a orografía fese a traviesa bien dura dica que i existioron carreteras, se troba á menos de 10 km d'iste estremo meridional d'A Fueva.