Diferencia entre revisiones de «Sistema vocalico d'o latín vulgar»

A denominación de "sistema vocalico d'o latín vulgar" ye comoda pero imprecisa, car nunca no bi ha habiu un solo sistema vocalico en latín vulgar, y bi n'heba d'atros por eixemplo en o latín vulgar de [[Cerdenya]], [[Berbería]], [[Sicilia]], [[Lucania]] y [[Balcans]].
 
== Diftongación d'as vocals curtas ĚĔ y Ŏ en aragonés ==
O sistema vocalico de l'aragonés y luengas vecinas con cinco vocals ye una simplificación d'o sistema vocalico qualitativo italico por [[diftongación romanz|diftongación]] d'as /ɛ/ y /ɔ/ ubiertas. En [[aragonés benasqués|benasqués]] predomina a diftongación pero hay casos de no diftongación en os que se pronuncian as vocals ubiertas /ɛ/ y /ɔ/.
 
Esta [[diftongación romanz|diftongación]] ya yera documentada en tiempos [[Imperio Román|imperials]], pero s'imposó en o centro d'Hispania en tiempos d'o [[Reino visigodo de Toledo]] quan encara no s'heban deseparau as diferents luengas ibero-romances. En o latín d'a periferia d'o Reino visigodo de Toledo se mantenió arcaizant respecto a esta [[lei fonetica]] y no diftongó estas vocals ubiertas, que se mantenioron sin diftongar en a evolución d'o sistema vocalico d'o [[galaico-portugués]] y o [[idioma catalán|catalán]]. Manimenos existe a hipotesi que o catalán conoixió una [[diftongación debant de Yod]] en una fase no documentada. A muga entre a diftongación y a no diftongación se da servir como un d'os criterios pa delimitar l'aragonés y o catalán en o [[ribagorzano]], un conchunto de [[parlas de transición]] en as que predomina a diftongación en a compleganza d'o [[Esera]] y a no diftongación en a compleganza d'a [[Noguera Ribagorzana]]. Se desviene pareixiu en as [[parlas de transición]] que bi ha entre l'[[astur-leyonés]] y o [[galaico-portugués]].
 
== Posibles anomalias en aragonés ==
En part de l'aragonés actual u en aragonés cheneral se puet sentir parolas con ''u'' que d'alcuerdo con a evolución teorica habrían de tener ''o'' por derivar de parolas con Ŭ. Por eixemplo en [[aragonés tellán|tellán]] tenemos ''[[urmo]]'', ''curto'', ''[[buixo]]'', ''[[cumo]]'', ''[[manullo]]'', ''[[sulco]]'', ''[[puncha]]'',<ref name=lozano>[[Chabier Lozano Sierra]] ''Aspectos lingüisticos de Tella. Aragonés de Sobrarbe (Huesca)'' 2010. Gara d'Edicions.</ref> que son muito comuns en aragonés.
66 130

ediciones