Diferencia entre revisiones de «Loess»

Lo '''loess''' ye un [[sedimento]] sin estratificación con clastos de mida [[limo]], inferior a los 0,0625 mm. Ye un sedimento continental d'orichen [[eolico]]<ref name="ReferenceA">[[Alain Foucault]] y [[Jean-François Raoult]] ''Diccionario de Geología''. Masson, 1985.</ref> y representa materials que lo [[viento]] ha erosionau por [[deflación eolica]] y ha transportau por [[suspensión]] grans distancias dica sedimentar en grans superficies. En bellas zonas los depositos de loess s'han formau en medios [[sistema morfoclimatico periglaciar|periglaciar]]s por deflación en sedimentos morrenicos. Lo loess permite la formación de [[suelo]]s fértils.

Lo loess ye lo [[sedimento eolico]] mes important. Las acumulacions de loess mes importants se troban en [[China]], con espesors de mes de 100 m. Tamién bi ha masas importants en la [[Patagonia]] y [[Canadá]]. Lo loess d'Europa cubre amplas rechions d'[[Europa Central]] y [[Europa Oriental|Oriental]]. Los depositos de loess pueden plegar a los 10 m de grosor<ref name="ReferenceA"/> en Europa.

L'augua de plevia erosiona a escape lo loess, plegando lo limo facilment a los barrancos, torrents y ríos, achents cheolochicos que lo transportan en suspensión. En China lo limo en suspensión da color amariella a lo río [[YangHuáng TseHé]] u "[[Río KiangAmariello]]".

Un deposito de loess evolucionará ta un [[suelo aloctono]]. En profundidat lo loess sin meteorizar representa un [[horizont C]]. En Europa la evoción edafica d'estos materials conduce a la [[descalcificación]] de la part superior de lo deposito.<ref name="ReferenceA"/>