Diferencia entre revisiones de «Chasón»

Seguntes as diferents versions, a suya mai estió [[Alcimene]], filla de Filaco, u bien [[Polimede]], tía d'[[Odiseu]], encara que tamién son mencionadas [[Polimela]], [[Eteoclimene]], [[Polifeme]] u [[Teogneta]].<ref>Antonio Ruiz de Elvira. ''Mitología clásica'', pág. 265-266. Madrid, 1982. ISBN 84-249-0204-1</ref>. O suyo pai estió [[Esón]], rei de [[Yolcos]] dica que su propio chirmán, [[Pelias]], lo destronó. Seguntes unatro relato, Esón confió o reino a o suyo chirmán Pelias, dica que Chasón aconseguise a mayoría d'edat.

No guaire dimpués plegoron a la isla de [[Lemnos]], an solament habitaban mullers. a reina, [[Hipsipila]], que s'enamoró de Chasón, le contó que as mullers d'a isla heban estau castigadas por a diosa [[Afrodita]], por no rendir-le culto, impregnando-las d'una olor tant desagradable que os hombres las heban refusadas, ta unir-se con mullers d'as islas vecinas. En venganza, as lemnias matoron a os hombres d'a isla. Os Argonautas remanioron en a isla un tiempo, s'unioron amorosament a ellas y dimpués se marchoron. Chasón tenió dos fillos de Hipsipila como resultau d'ixo clamaus Euneu y Nebrofono.<ref>Apolodoro, ''Biblioteca mitológica'' i,9,17.</ref>.

Os hombres de Eetes apercazoron a nau y Medea mató a o suyo chirmán, que yera un nino, lo despedazó y lo tiró ta o mar. O rei Eetes replegó as restas d'o suyo fillo y perdió de vista a os Argonautas.<ref>Apolodoro, ''Biblioteca mitológica'' i,9,23-24.</ref>. En unatra versión, Apsirto no yera nino, sino un hombre adulto que estió ninviau por Eetes a o mando d'un grupo de [[Colquida|colcos]] armaus en persecución d'os Argonautas. Los aconsiguió en a Mar Hadriana, en a corte de [[Alcinoo]] en [[Istria]]. Allí Alcinoo s'ofrió como chuez y dició como secreto a la suya esposa Arete que decidiría tornar a Medea a os colcos si yera virchen pero en caso contrario se la daría a Chasón. Arete informó a Chasón d'ixo y a nueit anterior a o chudicio se chitó con Medea, por lo qual a l'atro día, fue entregada a o suyo esposo. Apsirto no se conformó y continó engalzando a os Argonautas dica una isla en a qual Chasón yera fendo sacrificios y estió a on Chasón asasinó a Apsirto.<ref>Higino, ''Fábulas'' 23.</ref>. A vegadas se considera que l'asasinato estió fruito d'una conspiración en a qual intervinió tamién Medea.<ref>Apolonio de Rodas, ''Argonáuticas'' iv,410-470.</ref>.

Entre o viache de tornada d'os Argonautas, istos habioron de sortiar quantos periglos antiparte d'a persecución d'os colcos: tronadas, l'asedio d'as [[Sirena]]s, l'ataque d'os monstros [[Scila]] y [[Caribdis]] u l'ataque d'o chigant [[Talos]]. A la fin plegoron en Tolco. Allí Chasón entregó o vellocino a Pelias y tramó a suya muerte con aduya de Medea. Ella convenció a las fillas de Pelias que podría tornar a la choventut a o suyo pai si lo partisen en trozos y lo fesen cocer. Asinas lo facioron y provocoron a muerte d'o rei. [[Acasto]], fillo de Pelias, forachitó a Chasón y a Medea de Yolco.<ref>Apolodoro, ''Biblioteca mitológica'' i,9,26-27.</ref>.

Alavez Chasón y Medea fuyoron ta [[Corinto]], a on vivioron felices entre diez anyos. Tenioron dos fillos. Pero mas tarde Chasón repuyó a la suya muller ta casar-se con [[Glauca]], filla de [[Creonte]], o rei de Corinto. Medea, ta vengar-se, acabó con a vida de Glauca y con a d'os fillos que heba teniu con Chasón, Mermero y Feres.<ref>Apolodoro, ''Biblioteca mitológica'' i,9,28.</ref>.

Dimpués d'isto, Chasón tornó ta Yolco en una expedición de castigo de conchunta con [[Peleyo]] y os Dioscuros contra o rei Acasto y a suya esposa. Saquioron a ciudat y Chasón u o suyo fillo [[Tesalo]] ocuporon o trono. I hai quantas versions sobre a suya muerte: se diciba que se i heba suicidau a causa d'a trachedia causada por Medea pero tamién existiba a tradición que heba muerto en cayer-le dencima un trozo de madera d'a nau ''Argo''.<ref>Apolodoro, ''Biblioteca mitológica'' iii,13,7.</ref><ref>Antonio Ruiz de Elvira. ''Mitología clásica'', pág. 295-296.</ref><ref>{{cita libro |apellidos= Grimal |nombre=Pierre |tetulo=Diccionario de mitología griega y romana |año=1981 |editorial=Ediciones Paidós |ubicación=Barcelona |isbn=84-7509-166-0 |página=297}}</ref>.