Diferencia entre revisiones de «Tozal de Trillo»

O '''tozal de Trillo''' ye un [[tozal]] en o sud de [[Aa Fueva]], aproximadament a 9 [[kilometro]]s en sud de a [[capital (politica)|capital]] d'a sucomarca que ye [[Tierrantona]], que ye a divisoria d'entre ixa subcomarca natural d'o [[Sobrarbe]] y as cuencas d'os [[barranco d'o Salinar|barrancos de o Salinar]] y [[barranco de Clamosa|de Clamosa]]. Forma un [[sierra|sarrato]] menor en chunto con o «tozal de Santa Brichida», de menor altaria, que se sitúa en ueste de o de Trillo, liberando un [[cuello (topografía)|collau]] a cada costau. Ista disposición de o tozal de Trillo con o suyo tozal chirmano, o de Sta. Brichida, fa que bellas vegadas se'n sienta decir a o conchunto como «sierra de Trillo» u «sarrato de Trillo».

Por o costau oriental forma un [[collau]] relativament amplo, dindo a achuntar-se como un [[cerro]] en a [[sierra d'o Turón]]; por o costau occidental, unaltrounatro collau, de menor altitut pero más estreito, el mete en comunicación con a [[sierra de l'Entremont]] por o «tozal de Sant Per» (que quita o nombre de [[Sant Per de Trillo]]). Por isto y porque l'eixe principal d'a formación ye practicament d'este-ueste, o sarrato de Trillo fa de divisoria entre a fondonada natural d'A Fueva, subcomarca de o Sobrarbe, en norte, y a cuenca d'o barranco d'o Salinar que se troba en sud.

En as [[garra (orografía)|garras]] d'o sud-este se i puede trobar a población de [[Salinas de Trillo]], bien comunicada con una pista [[gudrón|asfaltada]] con as localidatz de A Fueva cheografica. En sud d'o tozal, o lugar quasi despoblau de [[Trillo]] sinyorea un cerret chicorrón sobre o barranco d'o Salinar, y le da nombre a o tozal. En a baixant de l'ueste, en as garras d'o tozal chirmano que se diz de Santa Brichida, se i puede trobar a [[ermita de Santa Brichida (Trillo)|ermita de Santa Brichida]] que le da nombre a lo dito tozal y a un barranco afluent d'el d'o Salinar que naixe amanau d'ella. En a [[cuentra]] d'o [[collau]] d'ixe costau, o desploblau de Sant Per le da nombre a o primer tozal d'a sierra de l'Entremont.

Belaltros accidents topograficos en [[Aa Fueva]]:

[[Categoría:Cheografía d'Aa Fueva|Tozal de Trillo]]