Monument Valley

A reserva d'os indichenas apaches "Navajos", entre os estaus de Utah y Arizona, arrocla o parque natural de "Monument Valley". Ista mena de reservas espardidas por o Suroeste americano fuoron legalment constituyidas a partir de 1934, quan podemos dicir que oficialment se restituyoron as tierras an que os "Navajos" heban viviu dende feba milenta d'anyos. D'an que estioron feitos fuera quan plegoron os espanyols y dimpués os anglo-americanos. Os murals fan veyer a evidencia d'os antigos asentamientos que bi habió en a redolada. Os mesmos indichenas administran a suya seguridat, accesos, comercio,... dentro d'istas reservas. A polideza d'as montanyas, paisache semidesertico, piedras royas,... y encara que a suya luenga encara ye viedada en a escuela, a cultura indichena que se siente por totz os costaus, fan d'ista reserva un puesto a sabelo d'especial.