A obra estió encetada por Ronsard a petición d'o rei de Francia Carlos IX. Manimenos, ista obra, que pretendió estar d'enormes dimensions, no yera masiau adequada t'a traza d'entender a poesía que teneba Ronsard, mas adequada t'o intimismo, por la qual cosa no podió concluir-la.
A obra se redactó en versos decasilabos, y o tema d'a historia ye a vida d'un personache clamau Franciano u Francus, que podría estar Astianacte, o fillo d'Héctor[[Hector]], y que sería o inicio d'a nación francesa. D'ista forma, igual que [[Eneas]] fuye de [[Troya]] ta fundar Roma, o fillo d'HéctorHector, plega a Galia, funda [[París]] en honor a o chirmán d'o suyo pai, Paris, y forma os alazetz d'a Francia moderna. Os paralelismos con a [[Eneida]] son tals que mesmo o protagonista -que en o poema se diz-se Francus- tiene una historia d'amor con una princesa cretense, igual que Eneas con a reina cartachinesa Dido.
aA obra, que heba estau planificada en 24 libros, fuo un fracaso y quedó inacabada, con solament os quatro primers libros. Ronsard nunca aconsiguió o tono adequau, y en haber de respectar a desafortunada opción d'o rei d'usar versos de diez silabas en cuenta de alexandrinos, fa que no sía a l'altura d'a resta d'a suya obra. Por unatra parte, se publicó pocos días dimpués d'a Matanza de Santo Bartolomé (24 d'agosto de 1572). Tot ixo trayó cierto desprestichio a Ronsard. En 1574 muere Carlos IX y le succede o suyo chirmán Enrique III, con o qual concluirá a dinastía de Valois. a moda poetica cambea, y o choven Philippe Desportes pasa a estar o nuevo poeta d'a Corte. Ronsard se retira a o suyo priorato de Saint-Cosmes-en-l'Isles y leva a cabo una nueva edición en siet volumens d'a suya obra poetica (1578).
