|
[[Imachen:Cibeles con Palacio de Linares closeup.jpg|200px|thumb|A diosa Cibeles, d'orichen frichio.]]
A absorción de deidatz locals vecinas tenió puesto a medida que o estau romano conqueriba o territorio vecino. Os romans gosaban conceder a os dioses locals d'o territorio conqueriu as mesmas honors que a os dioses antigos que heban estau consideraus propios d'o estau romano. En muitas casos as recientment adquiridas deidatz yeran convidadas formalment a levar o suyo domicilio a nuevos santuarios en Roma. En [[203 a. C.]], la figura de culto representativa de [[Cibeles]] estió retirada de [[Pesino]] (''Frichia''') y acullida cerimoniosament en Roma. Amás, o creiximiento d'a ciudat atrayó a extranchers, lo qual se permitiba continar con l'adoración a os suyos propios dioses. D'ista forma plegó [[Mitra (mitolochía)|Mitra]] a Roma y a suya popularidat en as lechions extendió o suyo culto dica tant luen como Bretaña. Amás de [[Dioscuros|Cástor y Pólux]], os asentamientos conquerius en [[Italia]] pareixen haber contribuiu a o panteón romano con Diana, Minerva, [[Hércules]], Venus y atras deidatz de menor rango, qualques d'a quals yeran divinidatz italicas, procedendo atras orichinalment d'a cultura griega de [[Magna Grecia]]. As deidatz romanas importants estioron finalment identificadas con os mas [[antropomorfismo|antropomorficos]] dioses y diosas griegos, y asumioron muitos d'os suyos atributos y mitos.
== Naturaleza d'os antigos mitos romanos ==
Os romans no teneban relatos seqüencials sobre os suyos dioses comparables a la [[Titanomaquia]] u a seducción de [[Zeus]] por [[Hera]], dica que os suyos poetas prencipioron a adoptar os modelos griegos en o zaguer lapso de tiempo d'a [[antiga republica romana|republica romana]]. Manimenos, la qual cosa si teneban, yera:
* Un sistema muit desembolicau de rituals, escuelas sacerdotals y panteone de dioses relacionaus;
* Un rico conchunto de mitos historicos sobre a fundación y historia d'a suya ciudat por parte d'actors humans con ocasionals intervencions divinas.
=== Mitolochía antiga sobre os dioses ===
O modelo román incluiba una forma muit diferent a la d'os griegos de definir y concebir a os dioses. Por eixemplo, en a mitolochía griega [[Deméter]] yera caracterizata por una historia muit conoixida sobre o suyo dolor por o rapto d'a suya filla [[Perséfone]] a mans de [[Hades]]. Os antigos romans, por contra, concebiban a o suyo equivalent [[Ceres (mitolochía)|Ceres]] como una deidat con un sacerdote oficial clamau ''[[Flamen]]'', d'os ''flamines'' de [[Chupiter (mitolochía)|Chupiter]], [[Marte (mitolochía)|Marte]] y [[Quirino (mitolochía)|Quirino]], pero superior a os de [[Flora (mitolochía)|Flora]] y [[Pomona]]. Tamién se le consideraba agrupau en una triada con atros dos dioses agricolas, [[Liber Pater|Liber]] y [[Libera (mitolochía)|Libera]], y se sabeba a relación de dioses menors con funcions especializadas que le asistiban: ''Sarritor'' (escardado), ''Messor'' (culle), ''Convector'' (transporte), ''Insitor'' (siembra) y quantas dotzenas mas.
Asinas pues, a «mitolochía» romana arcaica, a o menos referent a os dioses, no yera formada por relatos sino mas bien as complexas interrelacions entre dioses y humans.
A [[relichión]] orichinal d'os primers romans estió modificada por a adición de numerosas y contradictorias creyencias en epocas posteriors, y por l'asimilación de grans porcions d'a [[mitolochía griega]]. Lo poco que se sabe sobre a relichión romana primitiva no ye gracias a relatos d'a epoca sino a escritors posteriors que buscoron preservar as viellas tradicions de l'ixuplido en o qual yeran cayendo, como o estudioso d'o [[sieglo I a. C.|sieglo I a.C.]] [[Marco Terencio Varrón]]. Atros escritors clasicos, como o poeta [[Ovidio]] en os suyos ''[[Fastos]]'' ("calandario"), fuoron fuertement influius por os modelos [[Periodo helenistico|helenisticos]], y en as suyas obras se recurre con freqüencia a las creyencias griegas.
=== Mitolochía antiga sobre a historia romana ===
En contraste con a falta d'o material narrativo sobre os dioses, os romans teneban una muitas leyendas sobre a fundación y primera expansión d'a suya propia ciudat. Amás d'istas tradicions d'orichen mayoritariament local, a iste surtiu se adhibió material procedent d'as leyendas heroicas griegas en una epoca temprana, fendo por eixemplo a [[Eneas]] antepasauo de [[Rómulo y Remo]].
A ''[[Eneida]]'' y os primers libros de [[Tito Livio|Livio]] son as millors fuents exhaustivas ta ista mitolochía humana.
== Os dotze dioses d'o Panteón Romano ==
| 