En a mitolochía romana, '''Eneas''' (en griego antigo ''Αἰνείας'', Aineías, en latín ''Aeneas'') ye un héroe d'a [[guerra de Troya]], que dimpués d'a caita d'a ciudat aconsiguió escapar, emprendendo un viache que lo levaría dica a tierra de Lacio[[Lazio]] (en l'actual [[Italia]]) an dimpués d'una serie d'escayecimientos se convirtió en rei y a la vez en o prochenitor d'o lugar romano, pus en ixa mesma tierra dos d'os suyos descendients, [[Rómulo y Remo]], fundarían a ciudat de [[Roma]]. Yera fillo d'o principe [[Anquises]] y d'a diosa Afrodita (Venus en a mitolochía romana); o suyo pai yera amás primo d'o rei [[Príamo]] de Troya. Se casó con Creusa, una d'as fillas de Príamo, con a quala tenió un fillo, clamau Ascanio u Iulo; en a suya fuyida d'a ciudat acompanyau de toda a suya familia, a suya esposa murió en a ciudat, se le amaneixió tiempo dimpués como una pantasma ta dicir-le que no se sufrise por a suya muerte, pus ixe heba estau o suyo destín, asinas como o destín d'Eneas sería estar o pai d'una gran nación. Posteriorment ya en a tierra de LacioLazio, se casó con a princesa Lavinia, filla d'o rei Latín, unión ista a que ye l'orichen mitíco d'o lugar romano.
