Diferencia entre revisiones de «Croatas»

[[Imachen:02 Ferdinand Quiquerez Dolazak Hrvata k moru.JPG|thumb|left|L'arribata d'os crovates a la mar.]]Existe a teoría que os primers crovates yeran una tribu [[alans|alana]] eslavizata. Bells estritos arabes d'os sieglos IX y X mencionan un país eslavo a lo norte d'os [[Carpatos]] dito ''Jordab'' u ''Jravat'' ,<ref>[[Gabriela Makowiecka]], [[Estanislao Macowiecki]] ''La Cultura Eslava'' Editora Nacional</ref>, que os historiadors situan en l'aria de [[Cracovia]] y dicen "Croacia Blanca". [[Costantín Porfirocheneta]] afirma que o emperador Heraclio clamó a los crovates pa que s'establisen en as riberas d'o [[río Drava|Drava]] y [[río Sava|Sava]] entre os anyos 630 y 640. Os crovates feban d'etnia-tampón entre o [[Imperio Bizantín]] y o [[Avaros|Khanato Avaro]].

En [[1089]] un rei crovate ye asasinato y a suya vidua yera chirmana d'o rei d'Hongría. O rei d'Hongría s'imposa debant d'atros pretendients a la [[cadiera reyal]] y en [[1102]] o rei [[Kalman]] u Koleman consigue un alcuerde con os representants d'as 12 tribus crovates, os ''Pacta Conventa'', con os que a corona de Croacia pasa a lo rei d'Hongría en unión presonal pa cutio, a lo tiempo que os crovates conservan lur autonomía, o suyo ''ban'' (gobernador) y una [[dieta]] (''sabor''). Os ''Pacta Conventa'' aseguraban a los crovates y [[dalmatas]] a conservación de lurs leis, costumbres y privilechios .<ref>[[Miguel A Ladero Quesada]]: ''Historia Universal, Edad Media''. Vicens Vives.</ref>. A muga entre Croacia y Hongría quasi no cambiará dica [[1918]], o mesmo que a muga con o [[Sacro Imperio Román-Chermanico]]. O reino crovate prebará d'estendillar-se por [[Dalmacia]] y l'actual [[Bosnia]]. Os sobirans hongaros conseguirán sozmeter Bosnia dende o [[sieglo XII]] dica meyatos d'o [[sieglo XIV]].