Diferencia entre revisiones de «Mar Negra»

O suyo orichen como cuenca sedimentaria ye o [[Paratethys]], [[ocián]] que bi heba entre [[Laurasia]] y [[Cimeria]], un microcontinent liniar u conchunto de [[litosferoclasto]]s. Asinas como Cimeria se deseparaba de [[Gondwana]] y viachaba enta Laurasia o [[Paratethys]] iba fendo-se més chicot, dividindo-se en cuencas menors como a [[cuenca Panonica]], Mar Negra, [[Mar Caspia|Caspia]] y [[Mar d'Aral|Aral]], que preneban caracteristicas lacustres. En a zaguera [[glaciación]] a Mar Negra yera un [[laco]] gran d'auguas templatas-fridas. Ixe laco encara existiba dica os primers milenios dimpués d'a zaguera glaciación. En o [[Neolitico]], quan por a desglaciación o livellibel de l'augua d'a [[Mar Mediterrania|Mediterrania]] puyó prou, l'acción conchunta d'a erosión remuntant d'os [[río]]s d'a cuenca lacustre y a [[erosión]] marina d'a Mediterrania facioron que l'augua salata invadise esta cuenca, esdevenindo l'actual Mar Negra.