Diferencia entre revisiones de «Charles de Gaulle»

En rematar a guerra y estar liberato d'o suyo cautiverio, de Gaulle tornó a la suya carrera melitar. Dende [[1919]] dica [[1921]] fue ninviato a [[Polonia]], un país que heba plegato a la suya independencia, fendo parte d'una mesión melitar franzesa ta aduyar a creyar o nuevo [[Exercito polaco]] mientres que luitaba contra o [[Exercito Royo]] d'a [[Unión Sovietica]] en a [[Guerra polaco-sovietica]]. En ixe inte, pareix que Charles de Gaulle recibió influencias dde l'o meyo ambient que i trobó, marcato por l'[[antisemitismo]] y o [[pogrom]]ismo, como recullen as cartas que ninvió a la suya familia:<ref>''Lettres, notes et carnets'', ed. Plon, 1980, tomo 2, p. 28. O sustantivo dezaga de ''d'innombrables'' lo retiró o editor d'a obra.</ref>

Tres días antis de prencipiar l'ataque alemán, se comunicó a o coronel Charles de Gaulle que iba a estar nombrato Comandant en Cabo d'a [[4ª División Blindata de Reserva]], que alavez yera amás gran unidat blindata d'o [[Exercito francés]], formata por 364 [[Carro de combate|carros de combate]]. De Gaulle en prenió o mando l'[[11 de mayo]] de [[1940]], y se li ordenó retardar l'abance alemán en a redolada de [[Laon]], premitiendo asinas que o [[6º Exercito (Francia)|6º Exercito francés]] recién creyato prenese posicions ta evitar una penetración alemana enta [[París]]. Encara que a división que mandaba yera encara organizata a meyas y en proceso de rematar a suya formación y encara que no heba operato mai como una fuerza melitar conchunta, de Gaulle organizó o [[17 de mayo]] un contrataque en dirección a la localidat de [[Montcornet]], en una d'as pocas vegatas en que tropas francesas facioron reblar a tropas alemanas mientres a batalla de Francia. L'ataque tenió exito, encara que nomás contaba ta fer-lo con alto u baixo 80 tanques d'o total teorico d'a unidat, en no haber-ie plegato encara a totalidat d'a fuerza d'a división. Antiparte, en no recibir garra aduya d'as unidatz mugants, a 4ª División Blindata de Reserva fue obligata a tornar quan plegoron refuerzos alemans. Poco dimpués, quan plegoron mas meyosmedios d'a División, tornoron a atacar con arredol de 150 carros de combate, encara que quan plegoron a los suyos obchectivos habioron de tornar, en intervenir mas refuerzos d'[[aviación]] (''[[Luftwaffe (Wehrmacht)|Luftwaffe]]'') y [[artillería]] alemans.

O Gubierno britanico heba propuesto de fer una crida a la resistencia a [[Georges Mandel]], qui yera menistro de l'Interior de Francia, pero estió de Gaulle qui marchó enta Londres y no Mandel. De Gaulle fació una propuesta de discurso que discutioron os miembros d'o Gabinet britanico, estando [[Edward Frederick Lindley Wood]] (''Lord Halifax''), uno d'os prencipals representants d'a politica de contemporización con o [[Tercer Reich]] anterior a la guerra, o prencipal representant d'a oposición a l'emisión d'o discurso por Charles de Gaulle, decindo que calía asperar ta veyer si Pétain sinyaba l'armisticio con os alemans. Estió [[Winston Churchill]] (qui ya s'heba oposato a la contemporización con a politica expansionista alemana antis d'a guerra) qui ufrió a suya aduya y en zaguerías, o [[18 de chunio]] de Gaulle se dirichió a los franceses por meyomedio d'a emisora ''[[Radio Londres]]'', d'a [[BBC]], en a dita ''[[Crida d'o 18 de chunio de 1940]]'', uno d'os suyos mas conoixitos discursos. A suya alocución s'ascuitó en territorio francés a las 19 h, y hue no se conserva garra rechistro sonoro d'ixa emisión (sí se conserva o suyo discurso radiato d'o 22 de chunio, un discurso diferent encara que a sobén se confunde).

=== A reconquiesta d'as colonias francesas y d'a metropolismetropoli ===