Diferencia entre revisiones de «Bruixa»

Anque as bruixas y bruixos yeran conoixitos popularment en muitas ocasions como chent que conoixeba plantas medicinals ta curar [[malautía]]s d'o ganato y d'as personas tamién bi habió casos de contenas por bruixería por parti d'a [[Enquesición]] en Aragón. Asinas bruxas como [[Domencha a Coixa]], [[Margalida Escuder]], Gracia la Nadala, La Narbona, Juana Bardaxí u Benedeta la Piquera y bruxons como Pedro Arruebo, Juan Gayán u Miguel Guillén apareixen en decumentos d'a Santa Enquesición. Ta ista institución bells sinyals de bruixería yeran l'uso d'[[ingüento]]s y conchuros machicos que les feban volar, relacions con o [[Diaple]] u o conoiximiento y posesión d'o dito en l'[[Alto Aragón]] ''"O Libret"'' u ''"Libro de Sant Ciprián"''. Tradicionalment yera o [[devinaire]] quí teneba la propiedat de decir quí yera u no bruixo u bruixa.

 

 

Atro elemento tipico de l'Alto Aragón son os [[espantabruixas]] d'as suyas casas. Se meteban en l'alto d'as chamineras ta que as bruixas no i pasasen. Tamién se feban cruces sobre a cenisa d'as brasadas u se meteban as [[estenaza]]s en forma de cruz. En as puertas d'as casas se penchaban tot tipo d'amuletos contra bruixas y bruixons.

*[[Cerclo de bruixas]]

*[[Devinaire]]

 

[[Categoría:Bruixería]]

[[Categoría:Mitolochía]]

 

[[af:Heks]]

[[ar:السحرة]]