Diferencia entre revisiones de «Osetas»

O cristianismo fue introdueito en o sieglo VI dende o [[Imperio Bizantín]]. Os cheorchians facilitoron a cristianización d'os alans-osetas d'o sud. En os sieglos XVII ey XVIII s'estendilló a relichión musulmana por a rechión digor dende Cabardia, pero en a segunda metat d'o sieglo XVIII os misioneros rusos consiguioron que a influencia cristianizadora tornase a estar més fuerte que a influencia islamizadora.

Con tot y con ixo en belsbells intes os pueblos d'as montanyas d'o Caucas han tenito que asociar-sen, y quan cayó o rechimen zarista, se formó en Vladicaucás l'[[Asambleya d'os Pueblos d'o Caucas]], on s'achuntoron osetas, cabardos, chechenos, daguestanís y d'atros. En 1918 o bolchebique cheorchián Grigori Ordzhonikidze fundó a Republica Popular Socialista d'os Soviets de Terec con capital en [[Vladicaucás]]. En agosto os [[cosacos]] forachitoron Ordzhonikidze y os bolchebiques, que tornoron con l'aduya d'os chechens, y fuoron forachitatos de nuevo en 1919 o exercito de voluntarios d'[[Anton Denikin]]. Denikin yera mal visto por os montanyeses por os suyos ligallos con os cosacos, y dimpués de ser derrotato en Ucraína, habió d'abandonar o Caucas a lo exercito royo a prencipios de 1920.

Quan se desfeba a URSS os osetas han estato aligatos estatechicos d'os intreses rusos en o Caucas, contra os [[cheorchians]] y contra os pueblos musulmans d'o Caucas oriental. En Cheorchia demandoron d'estar independients de Cheorchia ey a unión d'as dos osetias baixo a tutela rusa. En Osetia d'o norte se producioron enfrentamientos interetnicos entre os Inguixes y os Osetas por o control d'a rechión inicialment inguix de [[Prigorodny]].