Diferencia entre revisiones de «Latín medieval»

[[Manuel Alvar]] denomina ''latín notarial'' a la variant d'o latín meyeval escrita en os sieglos XI y XII en [[Navarra]] y [[Aragón]] y que presenta muitismos elementos romances autoctonos. De feito y paradochicament belsbells rasgos lingüisticos propios d'o romance [[navarro-aragonés]] los podemos testimoniar millor en o latín meyeval d'ixos sieglos que en a ''[[scripta aragonesa|scripta aragonesa meyeval]]'', que preneba como referencia a tradición més antiga d'escribir o romance en Castiella y en a que a representación de belsbells rasgos d'a luenga aragonesa se vei reducito, por ser consideratos como vulgarismos.

En Aragón y Navarra os primers textos predominantment escritos en romance son d'o sieglo XII <ref>[[Gili Gaya]] ''Manifestaciones del romance en documentos oscenses anteriores al siglo XIII. Homenaje a Menéndez Pidal, III, p 99 </ref>. Dica ixe inte o latín meyeval, yera quasi a sola luenga escrita, (de fueras de bell emplego de l'arabe u o hebreu). Este emplego tan tardano contrasta con o que se desvinió en atros países con o latín arromanzato local: en Francia as formas "merovinchias" duroron dica o sieglo X y en o [[Reino de Leyón]] dica os sieglos X y XI. Manuel Alvar especula que a tardanza en dixar esta clase de latín como sola luenga escrita ye a causa de l'[[arcaísmo]] de l'aragonés en comparanza con atros romances hispanicos.