Diferencia entre revisiones de «Khanato Kara Khitai»
Pachina creyada con '{{Estato desapareixito |nombre_oficial = |nombre = Khanato Khitai |nombre_común = Kara Khitai |forma_de_gubierno = Monarquía |status = |era = |anyo_inicio = 1124 |anyo_f...' |
(Garra diferencia)
|
Versión d'o 16:32 6 nov 2011
Plantilla:Estato desapareixito
Os Khanato Kara Khitai u Khanato Kara Khitan ye un estato fundato en a decada de 1130 por os khitan que emigroron a Asia Central dende o norte de China y Manchuria y que duró dica os tiempos d'a conquiesta mongol d'Asia Central. O territorio d'os Karak Khitai consistiba en as estepas a lo norte de Tien Xan y a Cuenca de Tarim. Os kara khitai mantenioron as estructuras locals de poder, limitando-se a cobrar impuestos a los principes autoctonos. Os Kara Khitai yeran budistas pero teneban subchectos musulmans y bi heba tolerancia relichiosa con atras relichions como o islam y o cristianismo nestorín. A luenga oficial d'o khanato yera o chinés.
Muitos khitan emigroron a Asia Central dimpués que en l'anyo 1125 os churchetz los hesen vencito, sustituindo-los en o poder, deposando a la dinastía Liao y establindo-se como dinastía Jin. Os musulmans karakhanís facioron venir a los khitan en a decada de 1130 pa que los aduyasen en a luita contra os carlucos, pero tamién deposoron a los karakhanís. Prenioron Kaixgar y Khotán y sozmetioron Transoxiana a lo suyo vasallache.
Encara que os Kara Khitai creyoron o suyo estato centroasiatico en a decada de 1130 se considera que o estato encomenzó a existir en l'anyo 1124, quan Yelü Dashi se proclamó rei, quan encara yera en Mongolia.
En l'anyo 1211 a cadiera reyal fue usurpata por Kuchlug, un refuchiato Naimán. Muitos liders locals se posoron baixo a protección de Chinguis Khan. D'esta traza a invasión mongola de l'anyo 1218 fue bien recibita.