Diferencia entre revisiones de «Pueblos mongols»
Contenido eliminado Contenido añadido
Pachina creyada con '250px|thumb|right|Aria de distribución d'os diferents pueblos mongols Os '''pueblos mongols''' son un conchunto de pueblos orichinarios d'as...' |
Sin resumen de edición |
||
Linia 1:
[[imachen:Mongols-map.png|250px|thumb|right|Aria de distribución d'os diferents pueblos mongols, con indicación d'as maximas mugas d'o [[Imperio Mongol]].]]
Os '''pueblos mongols''' son un conchunto de [[pueblo]]s orichinarios d'as [[estepas euroasiaticas]] orientals y que actualment se distribuyen principalment por o territorio d'os estatos de [[Mongolia]], [[China]] (bi ha mongols en [[Mongolia Interior]], [[Manchuria]], [[Xinchiang]] y [[Gansu]] y [[Qingai]]) y [[Rusia]] (bi ha mongols en [[Buriatia]], en atras zonas de [[Siberia]] y en [[Calmuquia]]). As [[luengas mongols]] las han clasificatas tradicionalment dentro d'a familia [[luengas altaicas|altaica]], pero actualment se ye replanteyando esta clasificación. Historicament os mongols tenioron una gran expansión en a [[Edat Meya]] con a formación d'o [[Imperio Mongol]]. En periodos posteriors os mongols conoixioron unas expansions menors en forma de migracions tan luent como o [[Tíbet]] u o curso baixo d'a [[Volga]] en relación con conflictos entre tribus u a formación d'estatos con clase dirichent mongola como o [[Khanato Dzhungaro]]. Os principals pueblos mongols son os [[khalkhas]], os [[buriatos]], os [[oiratos]] (y como una branca esgallata d'ells os [[calmucos]], o solo pueblo mongol habitador d'[[Europa Oriental]]). A mayor part d'os mongols son budistas [[lamaístas]], con repuis d'una relichión anterior de tipo [[tengrianismo|tengrianista]].
== Etnonimo ==
En os textos meyevals aragoneses se gosan referir a los mongols como "tartres" chunto con os pueblos turqueses con os que conviviban en o [[Imperio Mongol]], y bi heba una antiga tribu mongola dita asinas que fue sozmesa por o mesmo [[Chinguis Khan]]. Actualment a denominación de "[[tartre]]" se reserva a ciertos pueblos de luenga turquesa de l'antiga [[Unión Sovietica]].
O etnonimo ''mongol'' u ''mogol'' se troba en muit pocas traduccions a l'aragonés, pero lo veyemos en "[[La Flor de las Ystorias d'Orient]]":
{{cita|La t(ier)ra et la encontrada delos tartataros habitauan primerament Es dela grant montanya de belgian de aquesta mo(n)tanya faulan las istorias de alexandre alla do el faze menc'ion delos hombr(e)s saluages que el trobo en aquella encontrada que habitauan primerame(n)t los tartaros assi como ho(m)bres bestiales qui no auien fe ni ley et andauan de lugar en lugar pastura(n)do sus bestias et eran menos preçiados por las otras naciones alos quales ellos seruien muchas naciones delos tartaros los quales fueron nombrados '''mogols''' se aiustaro(n) et ordenaron capitanes et Gouernadores entre ellos et creçiero(n) tanto q(ue) ellos se departieron en vij. naçiones et entro al dia de oy aquellos de aquellas naçiones son tenidos por mas nobles q(ue) los otros la primera de las .vij. naçiones es nonbrada [[tartre (antiga tribu mongola|tartres]] la segunda [[caugot]] la terçera [[erath]] la iiij. [[Chalair|Jalair]] la .v. [[sonit]] la vj. [[meng(e)l]] la .vij. [[tabet]] et mientre que aquestas naçiones staua(ua)n enla [[subchección|subieccion]] de los vezinos assi como desuso es dicho esdeuino se que vn pobre hombre viello el qual auie nombre [[Chinguis Khan|canguis]] vio en suenyos vna vision que vidie vn cauallero armado sobre vn cauallo blanco que lo clamaua por su nombre canguis la voluntat del inmortal dios es tal que tu deuas seyer Gouernador et senyor sobre las vij. naçiones delos tartaros que son dichos '''mag[o]lls''' et por sean deliurados dela [[servitut|seruitut]] <ref>[[La Flor de las Ystorias d'Orient]]</ref>}}
== Referencias ==
{{listaref}}
[[Categoría:Pueblos mongols]]
| |||
