Sabinar

Sabinar ye tota formación vechetal en a que predomina a presencia d'árbols u arbustos d'una especie d'o chenero Juniperus que a chent denomina "sabina", especialment a especie Juniperus phoenicea, que desembolica sabinars arbustivos sobre litosuelos en a Peninsula Iberica y sabinars arborios en as Islas Canarias. A especie Juniperus thurifera tamién forma sabinars, pero en l'aragonés d'as comunidatz aragonesas, en o nuclio d'a suya distribución estos sabinars podeban tener denominacions tipo "tarabinar", basatas en o fitonimo local aragonés "tarabina". En os Monegros a estas mesmas formacions lis dicen "sabinars".

Sabinar en Calatañazor (Soria).

Os tarabinars en a Peninsula Iberica.

Beluns d'os sabinars presents en a Peninsula Iberica, y en especial os sabinars u tarabinars de paramera son comparables a lo que bells autors americans denominan Sabana de Junipero y que constituye un bioma en o surueste d'Estatos Unitos y norueste de Mexico, en Anatolia central, Meseta Iraní y Afganistán. Por o que respecta a la Peninsula Iberica y Berbería no se consideran un bioma y constituyen un piso bioclimatico que succede a la vechetación mediterrania en altaria en arias de clima semiarido.