Diferencia entre revisiones de «Coda»

A '''coda''' (d'o [[idioma latín|latín]] ''cauda'') ye la estremidat posterior de muitas [[especie]]s d'[[animal]]s, especialment quan ixa forma un apendiz móvil, flexible y destinguible d'o [[torso]]. A coda ye un apendiz exclusivo quasi que d'os [[vertebrato]]s, anque bi ha espeziesespecies d'[[invertebrato]]s que gosan tener estructuras caudals que fan recordar a coda d'os vertebratos, como os [[arraclán|arraclans]] y qualques [[insecto]]s, per o que popularment se les diz tamién «codas».

As codas gosan desempenyar funcions diversas pendendo d'a espezieespecie en a que se troben; En os [[peix]]es y bells altros [[ser vivo|sers vivos]] aquaticos son estructuras locomotrices que baten d'un costato enta l'altro ta empuchar-se a traviés de l'[[augua]], en bellas especies de quadrupedos (como os [[Felidae|félidos]]) pueden emplegar-se como estructuras equilibraderas quan se mueven per puestos estreitos u alturas (p. ex. se piense en os [[gato]]s quan caminan per bell muro) u quan corren u brincan, en os grants [[artiodactilo]]s (p. ex. as [[vaca]]s) y [[perisodactilo]]s (p. ex. os [[caballo]]s) pueden bater-se ta espantar as [[mosca]]s y os [[tabán|tabans]], en os masclos d'as [[au]]s pueden servir como reclamo sexual (p. ex. o [[pavo reyal]]) anque de regular s'emplegan ta equilibrar-se y maniobrar en o [[bolido]], en os [[cetacea|cetacios]] sirve ta esplazar-se en l'augua, ecetra.