Diferencia entre revisiones de «Ucraineses»

En o sieglo XIX en [[Podolia]] y [[Volinia]] i habió pocos cambeyos. En [[1839]] a [[Ilesia Greco-Catolica|Ilesia Uniata]] fue adhibita a la [[Ilesia Ortodoxa rusa]] a la fuerza. En [[Galitzia]], [[Bucovina]] y [[Rutenia subcarpatica]] representaban un estrato social con rango inferior a lo d'os [[polacos]]. En [[1846]], quan os polacos lis se sublevan a las autoridatz imperials austriacas, os ucraineses u [[rutens]] se sublevan a los nobles polacos, sublevacions que as tropas [[Imperio Austro-hongaro|austriacas]] consiguen sofocar. A [[Ilesia Greco-Catolica|Ilesia Uniata]] se mantién firme entre os ucraineses u rutens baixo dominio austro-hongaro y contribuye a fer-los sentir diferents tanto d'os polacos catolicos como d'os rusos ortodoxos. A politica hongara consigue que os rutens que viviban en [[Transleitania]] u [[reino d'Hongría]] ([[Rutenia subcarpatica]] sobretot) se sientan diferents d'os rutens de [[Galitzia]] y [[Bucovina]] que viviban en o [[reino d'Austria]], y con o tiempo a denominación de rutén designará especialment a los d'de [[Trasleitania]].