Diferencia entre revisiones de «Coleoptera»

Os '''coleopteros''' (zentificament '''''Coleoptera''''', en [[idioma latín|latín]]) son una d'as prenzipals [[orden (biolochía)|ordens]] en a [[clase (biolochía)|clase]] d'os [[insecto]]s, con cuasi 350.000 [[espezie]]s descritas. Se tracta d'o taxon con més espezies encluitas de tot o [[reino (biolochía)|reino]] ''[[Animalia]]'', seguito per os [[lepidoptera|lepidopteros]] ([[Ditrysia|paixarelas]] ey [[palometa]]s), [[hymenoptera|himenopteros]] ([[forniga]]s, [[briespa]]s, [[apella]]s, etz) ey [[Diptera|dipteros]] ([[mosca]]s, [[mosquito]]s ey [[tabán|tabans]]). A orden d'os coleopteros tiene tantas espezies como tot o reino d'os [[fongo]]s, u en as [[planta]]s basculars; ixo ye, como dezir que fa 90 begatasvegatas o numer d'espezies descritas de [[mammalia|mamiferos]].

Os coleopteros presentan una gran dibersidat morfolochica. Se troban escarabachos en cualsiquier habitat, dica encluir-se os ambientes acuaticos d'augua dulza. A suya presencia en ecosistemas marinos ye minima. A més gran parte d'as espezies son consumidoras de produeitos bechetals, estando-ne las [[larba]]s as que gosan fer dica pestes en l'[[agricultura]] ey en as [[selba]]s.

A morfolochías de toz os coleopteros comparten rasgos comuns: Toz os escarabachos tienen o primer par d'alas anzestrals d'os insectos modeficatas ey enduritas dica formar dos escudos, ditos «[[elitro]]s», que no sirben si que ta cubillar ey guardar o segundo par d'[[ala]]s que ye lo funzional. As alas, en reposo, se troban plegatas debaixo d'os elitros ey s'han d'obrir ey esplegar ta que l'animal pueda alzar-se en bolido. A més gran parte d'as formas adultas d'os escarabachos saben bolar, pero no gosan tener a capabilidat d'altros grupos d'insectos ta manullar-se-ie, como fan as [[mosca]]s ey [[apella]]s, ey muitas espezies no el fan si no ye de tot impreszindible.