Os '''carachais''' son un grupo etnico que abita a ladera noreste d'o [[Caucaso]], en a cuenca superior d'o río [[Kubán]]. Charran una luenga turquesa pareixita a lo [[idioma balcar|balcar]] ey son de relichión musulmana sunnita que siguen a escuela [[Hanafí]], encara que dica o [[sieglo XX]] manteneban costumbres pagans como o culto a las piedras sagratas. En [[1989]] yeran 156.000 endibidos.
== Luenga ==
Dende metat d'a decada de [[1920]] encomenzó o prozeso de creyazióncreyación d'un standar común pa o Quarachai ey o Balcar, luengas u codialeutos turqueses d'a branca quipchac estreitament emparentatos. En [[1925]] s'escribiba en alfabeto latín, pero en [[1938]] as autoridaz sobieticas cambeyoron l'alfabeto latín en o alabez que s'escribiban as luengas turquesas d'a ex URSS por o zirilico porque beyeban un periglo fer serbir o mesmo alfabeto que en a Turquía [[Kemalismo|kemalista]].
== Historia ==
Como en o caso d'os [[Balcars]], d'alcuerdo con a teoría més azeutata a suya etnochenesi sería en [[cumans]] que se refuchioron en o [[Caucaso]] fuyindo d'os [[Imperio Mongol|mongols]] que los eban embadito en o [[sieglo XIII]]. En o Caucaso aberban absorbito restos d'o pueblo [[alans|alán]] aligatos con os cumans.
Dende o [[sieglo XVII]] ey prenzipios d'o [[sieglo XVIII]] son musulmans. En [[1922]] fue proclamata a ''Oblast'' autonoma de Carachaievo-Cherquesia, que en [[1926]] de dibidió en dos unidaz deseparatas.
En agosto de 1942 os alemans plegoron a lo mont [[Elbrús]]. Con l'aduya d'os [[tartres]] [[panturquismo|panturquista]]s refuchiatos en Turquía se formó o [[comité Nazional d'o Caucaso d'o Norte]], con a intenziónintención d'aplegar a los carachais ey balcars en una mesma demarcazióndemarcación territorial (os sobieticos no la eban feita porque a presencia d'un reliebe como o Elbrús no permite comunicazions dreitas). Sindembargo enantes de [[cabo d'año]] os alemans abioron d'ebacuar a zona por a derrota en [[Batalla de Stalingrado|Stalingrado]], que no lis permitiba defender as posizions en o Caucaso ey a [[Mar Negra]]. En represalia en noviembre de [[1943]] as autoridaz sobieticas deportoron en masa a los carachais t'Asia Zentral, y o 8 de marzo de 1944 fazioron lo mesmo con os balcars. No en tornarían dica [[1957]], ey a diferencia d'o que se desbinió en [[Ingushetia]] u [[Crimeya]], o suyo territorio no fue ocupato por nazionalidaz bizinas. A ''Oblast'' de Carachaievo-Cherquesia fue restablita. No fuoron formalment "reabilitatos" dica noviembre de 1989. En 1990 se proclamó a Republica Carachai en acto merament formal, car no tienen reconoximiento oficial de Rusia ni d'atros estatos.
== Bibliografía ==
*[[Amiram Gonen]] DICCIONARIO DE LOS PUEBLOS DEL MUNDO. 1996 Anaya&Mario Muchnik.
*[[Jean Sellier]] ey [[André Sellier]]. ATLAS DE LOS PUEBLOS DE ORIENTE. Acento Editorial.
