[[Imachen:Ogon airedale teriera t675.jpg|thumb|right|200px|'''Coda''' d'un [[can]].]]
A '''coda''' (d'o [[idioma latín|latín]] ''cauda'') ye la estremidat posterior de muitas [[espezie]]s d'[[animal]]s, espezialment quan ixa forma un apendiz mobil, flesible y destinguible d'o [[torso]]. A coda ye un apendiz esclusibo cuasi que d'os [[bertebrato]]s, anque bi ha espezies d'[[imbertebrato]]s que gosan tener estruturasestructuras caudals que fan recordar a coda d'os bertebratos, como os [[arraclán|arraclans]] y cualques [[insecto]]s, per o que popularment se les diz tamién «codas».
A coda d'os bertebratos se sostenta en una estruturaestructura [[güeso|osia]] que ye continazióncontinación natural d'a [[columna bertebral]], dillá d'a [[zintura pelbiana]]. En as [[luengas latinas]], l'alchetibo que fa referencia a la coda ye «caudal».
As codas gosan desempeñar funzions dibersas pendendo d'a espezie en a que se troben; En os [[peix]]es y bels altros [[ser bibo|sers bibos]] acuaticos son estruturasestructuras locomotrizes que baten d'un costato enta l'altro ta empuchar-se a trabiés de l'[[augua]], en bellas espezies de cuadrupedos (como os [[Felidae|félidos]]) pueden emplegar-se como estruturasestructuras equilibraderas quan se mueben per puestos estreitos u alturas (p. ex. se piense en os [[gato]]s quan caminan per bel muro) u quan corren u brincan, en os grants [[artiodactilo]]s (p. ex. as [[baca]]s) y [[perisodactilo]]s (p. ex. os [[caballo]]s) pueden bater-se ta espantar as [[mosca]]s y os [[tabán|tabans]], en os masclos d'as [[au]]s pueden serbir como reclamo secsual (p. ex. o [[pabo reyal]]) anque de regular s'emplegan ta equilibrar-se y maniobrar en o [[bolido]], en os [[cetacea|zetazios]] sirbe ta esplazar-se en l'augua, etz.
En o [[Homo sapiens|ser umano]], como en a resta d'espezies de [[primates]] omininos, a coda ye una estruturaestructura bestichial que no se manifiesta si que en a fase embrionaria y desapareix a moniquet mientres que lo [[feto]] ba creixendo. Esisten casos anomalos de ninons que son naixidos con una coda, pero que no gosa manifestar sisquiera [[güeso]]s, per lo que se le diz «coda toba». Este defecto, en o primer mundo, se puet correchir con [[zirurchía]] simple en o momento d'o naiximiento.
