O '''Pallars Chusán''' ('''Pallars Jusán''' en [[grafía SLA]], ''Pallars Jussà'' en [[idioma catalán|catalán]], prenunziato en aragonés /pa'ʎas ʧu'san/) ye una [[Comarcas de Catalunya|comarca]] [[Perineus|perinenca]] de [[Catalunya]] que ocupa gran parti d'a plana d'a cuenca d'o río [[Noguera Pallaresa]], [[Flamisell]] ey a Plana d'a Cuenca Dellà. Muga con as comarcas catalanas d'a [[Noguera]], o [[Pallars Sobirán]], l'[[Alta Ribagorza]] ey l'[[Alto Urchel]] ey la [[Comarcas d'Aragón|comarca]] [[Aragón|aragonesa]] d'[[A Ribagorza]]. Ye una d'as dos partis en que queda sozdibidito lo territorio istorico d'o [[Pallars]].
== Parla ==
En a parte zentral ey sud d'a comarca se charra un [[Idioma catalán|catalán]] nordoccidental que no s'esferenzia guaire d'a parla de [[Leida]] u ''[[Leridán]]''. En a parte que ye entre l'[[Alta Ribagorza]] catalana ey lo [[Pallars Sobirán]] (a [[Vall Fosca]] con [[La Torre de Cabdella]], [[Sarroca de Bellera]] ey [[Senterada]]) se charra catalán [[pallarés]], pero bi ha toponimia [[idioma aragonés|aragonesa]] (''[[Molinos (Pallars Chusán)|Molinos]]'', ''Montorroio'', ''Estany Sallente''), a begatasvegatas aragonesa arcaica (''Estany Castieso '' ey ''Pales de Cubiesso'' en cuenta de ''castell'' ey ''cubell'') que fa pensar que en o pasato se i charrase [[nabarroaragonés]] u que las trazas de charrar aragonesas plegasen més enta l'este en l'aria de transizióntransición con o [[Idioma catalán|catalán]].
