Verbos irregulars por diftongación

Os verbos irregulars por diftongación presentan una irregularidat produeita en as formas presonals con accento en a radiz por a diftongación en a evolución dende o latín ta l'aragonés, que presenta una lei fonetica on as Ŏ y Ĕ breus latinas tonicas diftontan en -ue- y -ie-.

Bi n'ha un subgrupo d'esta clase de verbos que presentan una irregularidat anyadita por presentar una c en determinatas presonas (cuezco).

Participio

Presentan participios fuertes: muerto, puesto, suelto, cueto, quiesto, tuerto. Tamién son prou bien conoixitas as formas regulars, més recients: morito/moriu, podito/podiu, soltato/soltau, querito/queriu, torcito/torciu.

Present d'indicativo

Presenta diftongacions en as formas rizotonicas:

Presona	Poder	Morir	Querer
1ª Sing.	Puedo	Muero	Quiero
2ª Sing.	Puedes/Puetz	Mueres	Quiers
3ª Sing.	Puede/Puet	Muere	Quiere
1ª Plur.	Podemos	Morimos	Queremos
2ª Plur.	Podetz	Moritz	Queretz
3ª Plur.	Pueden	Mueren	Quieren