Diferencia entre revisiones de «Tecnolochía»

A parabra '''tecnolochía''' data d'o [[sieglo XVIII]], quan a [[tecnica]], historicament empirica, empecipia a vinclar-se con a [[sciencia]] y s'empecipian a sistematizar os [[metodos de producción]]. A tecnolochía surte quan s'enfocan determinatos problemas tecnicos socials con una concepción scientifica y dintro d'una cierta bastida economica y sociocultural; ye intimament vinclada con a sciencia y a complementariedat entre as dos se incrementa cada vegada más. A tecnolochía emplega o [[metodo scientifico]], comprende o saber sistematizato y en o suyo accionar se manulla tanto a ran practico como conceptual, ye dicir, que abraca lo fer y a suya reflexión teorica. A tecnolochía ye o conchunto ordenato de [[conoiximiento]]s y os correspondients enantos que tienen como obchectiboobchectivo la producción de cabals y servicios, tenendo en cuenta la tecnica, a sciencia y os aspectos economicos, socials y culturals embrecatos. L'alcanze d'o termin se estendilla a los produtos resultants d'ixos enantos que deben responder a necesidatz u deseyos d'a sociedat y tener como preposito contrebuir a amillorar a calidat de bida. Quan a tecnolochía busca una solución a los problemas que se planteyan en a sociedat, lo fa relacionando a tecnica (os suyos conoiximientos, trastes y capacidat inventiva), con a sciencia (o campo d'os conoiximientos scientificos) y con o tarabidau economico y sociocultural d'o meyo (as relacions socials, as formas organizativas, os modos de producción, os aspectos economicos, a bastida cultural, entre atros aspectos). Resumindo, se puede dicir que la sciencia ye ligada a lo deseyo de l'hombre de conoixer, mientres que la tecnica y a tecnolochía lo son a la voluntat de l'hombre de fer, ta satisfer os suyos deseyos y necesidatz.