Diferencia entre revisiones de «Somport»

2489 bytes añadidos ,  hace 9 años
adhibo un apartato d'historia
m (r2.6.5) (Robot Adhibito: eu:Somport)
(adhibo un apartato d'historia)
 
Amán d'o puerto se troban as [[Estación d'esquí|estacions d'esquí]] de [[Candanchú]], [[Astún]] y [[Le Somport]].
 
== Historia ==
O puerto que hue se conoix como Somport ya estió uno d'os puestos per a on se trescruzaban os Perineus mesmo antis de que os [[Antiga Roma|romans]] conquiriesen a redolada, pero estió mientres o [[Imperio román]] quan se desenvolicó una rota estableque lo trescruzaba, encara que en ixas envueltas yera una rota segundaria en contimparanza con o [[Puerto Palo]], per a on se feba a comunicación entre as actuals ciudatz de [[Zaragoza]] en a [[val de l'Ebro]] y [[Tolosa]] en a val d'a [[Río Garona|Garona]].
 
Sindembargo, en a [[Edat Meya]] a situación estió a la inversa. Encara que en primeras estió por o Puerto Palo per a on se feba a comunicación con o [[reino franco]] (en ye una prebatina a creyación d'o [[monesterio de Siresa]]) dende que o [[condato d'Aragón]] controlaba a [[val de l'Aragón]] con a ciudat de [[Chaca]] y fació d'ista zaguera a suya [[Capital (politica)|capital]] a rota de comunicacions entre o condato y [[reino d'Aragón]] y os condatos occitans a o norte d'os Perineus pasó a estar a rota dreita [[Chaca]]-[[Aulorón]] a traviés d'o col de Somport, per a on tamién os romans heban feito una [[vía romana]] segundaria. Asinas, estió per o col de Somport per a on pasaba o [[camín de Sant Chaime aragonés]], relegando a o Puerto Palo, que quedó mica en mica albandonato.
 
En os primers tiempos d'expansión d'a [[Corona d'Aragón]] por tierras [[Occitania|occitanas]] o col de Somport estió a prencipal rota de comunicación con os condatos occitans aliatos u vasallos d'a Corona, pero a situación cambeyó con a redota aragonesa en a [[batalla de Murel]] y a perduga d'a influencia aragonesa en ixos territorios, que fuoron anexionatos ta cutio por o [[reino de Francia]]. Asinas, quan a [[Casa d'Habsburgo]], continando con a tradicional politica aragonesa de luita contra Francia, teneba una guerra global con os franceses en toda [[Europa]], se veyó que caleba fortificar o col, ta poder-lo cosidar adequadament y ta evitar posible un ataque francés. Asinas, dende o [[sieglo XVI]] se i debantoron edificacions melitars, mesmo que se reforzaban as esfensas d'a ciudat de [[Chaca]], con a [[ciudadela de Chaca]].
 
En [[1808]] estió per o col de Somport per a on dentroron as tropas d'o [[Exercito francés]] mandatas por [[Louis-Gabriel Suchet]] en o marco d'a [[Guerra d'o Francés]]. Quan os franceses albandonaron redotatos a [[peninsula iberica]] en [[1814]] mrchoron tamién en parti a traviés d'o Somport.
 
== Se veiga tamién ==
* [[Hespital de Santa Cristina de Somport]].
 
[[Categoría:Puertos d'os Perineus]]
142 556

ediciones