'''Vidkun Quisling''', naixito de [[Fyresdal]] ([[Telemark]]) o [[18 de chulio]] de [[1887]] y muerto eixecutatoexecutato por [[traidoría]] en [[Oslo]] o [[24 d'octubre]] de [[1945]], estió un [[politico]] [[Noruega|noruego]]. Encara que prencipió a suya carrera politica en a filas d'o [[Partito Agrario (Noruega)|Partito Agrario]], plegando a estar [[Menistro d'Esfensa de Noruega|Menistro d'Esfensa]] de [[Noruega]] en [[1931]]-[[1933]], fue obligato a albandonar ixe cargo quan ordenó a o [[Exercito noruego]] disparar contra unos [[vaga|vaguistas]].
O [[13 de mayo]] de 1933 establió un nuevo [[partito politico]], dito ''[[Nasjonal Samling]]'', que esdevenió o partito [[Faixismo|faixista]] noruego, que a escape esdevenió colaborador d'o ''[[Nationalsozialistische Deutsche Arbeiterpartei]]'' d'[[Adolf Hitler]], mesmo antes de prencipiar a [[Segunda Guerra Mundial]] y que teneba una presencia nula en a vida politica noruega. Sindembargo, dende aviento de [[1939]] Quisling insistió dabant de Hitler en que calíacaleba que o [[Tercer Reich]] ocupase Noruega ta evitar que as [[mena]]s de [[fierro]] noruegas vendiesenvendesen a suya producción a o [[Reino Unito]], rematando o [[8 de mayo]] de [[1940]] con a invasión de Noruega (y [[Dinamarca]]) por as tropas d'a ''[[Wehrmacht]]''. Quisling s'autoproclamó primer menistro de Noruega y ordenó a rendición d'o Exercito noruego, encara que dengún no l'ascuitó. Continó estando un colaborador d'os nazis en Noruega, y o suyo partito esdevenió o partito unico d'o país por imposición d'os alemans, que lo nombroron l'[[1 de febrero]] de [[1942]] [[Primer menistro de Noruega|Menistro President de Noruega]], un cargo de nueva creyación ta prebar de donar lechitimitat a la suya presencia en Noruega, encara que o Gubierno lechitimo, chunto con o rei y as institucions d'o país se trobaba en o exilio en o Reino Unito. Quan remató a guerra con a redota d'os alemans, fue arrestato o [[9 de mayo]] de [[1945]] y condenato por [[alta traidoría]], estando eixecutatoexecutato.
A suya politica de [[colaboracionismo]] con os alemans plegó a uns nivels que fan que o suyo nombre, ''[[quisling]]'', haiga esdevenito en todas as luengas un nombre emplegato ta designar a qualsiquier traidor a o suyo país que colabora activament con os enemigos d'o país.
