Diferencia entre revisiones de «Anals d'a Corona d'Aragón»
Contenido eliminado Contenido añadido
reprochar > retrayer, d'alcuerdo con o que me dició belún de l'academia |
Sin resumen de edición |
||
Linia 29:
}}
Os '''''Anals d'a Corona d'Aragón''''' (en castellán ''Anales de la Corona d'Aragón'') ye o títol d'una obra d'o [[historiador]] [[Aragón|aragonés]] [[Cheronimo Zurita]], sobre a [[Historia d'Aragón]] y a [[Historia d'a Corona d'Aragón]], publicata en 20 libros dende [[1562]] dica o [[22 d'abril]] de [[1580]]. Ye un treballo historico seriós y rigoroso, que li levó 30 anyadas d'a suya vida, y que abracan dende as primeras anyadas d'o [[condato d'Aragón]] en os [[Perineus]] dica o reinato d'o [[Lista de reis d'Aragón|rei]] [[Ferrando II d'Aragón|Ferrando II]] d'[[Reino d'Aragón|Aragón]].
Cheronimo Zurita fació una obra basata en as suyas consultas en decumentos que se trobaban en os Archivos y no, como dica ixa inte se feba a sobén, en a mera recopilación de lechendas y falordias chunto con descripcions de tipo semi-mitolochico. Ye un historiador que contina asinas a linia d'a tradición historiografica que principió [[Tacito]] en o [[sieglo II]] t'a [[Historia d'o Imperio Román]]. Ta la suya recopilación d'informacions podió aprofeitar o feito d'estar secretaire d'o rei, fendo asinas quantos viaches a o [[reino de Francia]], a o [[reino de Secilia]], a o [[reino de Cerdenya]] u a o [[reino de Nápols]] y consultando asinas en ixos lugars decumentación orichinal d'intrés ta os feitos escaicitos que relataba, adibindo ixa información a la d'as suyas consultas en archivos d'a propia Corona d'Aragón, en [[aragoza]], [[Barcelona]] y quantos atros lugars. Quantas vegatas, a mas, fa la transcipción completa d'ixos decumentos, premitiendo asinas a suya sobrevivencia dica hue y esdevenindo asinas una fuente historiografica de primer orden.
| |||