Escopallo

Un escopallo u escoballo ye una escoba rudimentaria y de dimensions chiquetas, feita de diversos materials posibles: por un regular, lastons de diversas hierbas quan se quiere que escoben més fino, u de verdugos de seneras u sargueras quan se busca mes fuerza.

Escopallos de lastons, ta escobar grano.

Os escopallos s'emplegan ta muitos usos diferents, estando las suyas dimensions u dica lo material de qué se sigan feitos nomás que cosa ligata con a función que haigan de desarrollar. P. ex. Os escopallos ta escobar grano en a era dimpués que se bi haiga feita la trilla u en os graners son de lastons de hierbas u chuncos que permiten escobar més fino y no confundir o grano, y os escopallos ta dar-le bonya a las arnas tradicionals (ixo yera importante perque la bonya yera la capa protectora contra las fuinas y altras salvachinas que feban plaga en a miel y malmeteban a estructura de vimbre de l'arna) que per estar més bastas de necesidatz se feban de brancas de senera u de sarguera (a sobén, mesmo con as fuellas y tot ixo) u dica con buixos.

D'antigos tamién b'heba escopallos que se meteban en o cabo d'un palo, ligando-los-ie, y serviban ta escobar y limpiar a par d'adintro de qualques estructuras, como per eixemplo o fullín d'os fornos y chamineras.

Se veiga tamién

• Escoba.
• Plumallo.