Escalivar

L'acción de escalivar pende en rustir hortalicias enteras sobre o calivo u as brasas vivas d'o fuego. Iste verbo s'utiliza mas que mas en aragonés, en o castellano d'Aragón y en as zonas catalanoparlants d'Espanya y Francia. A-saber-los equivalents a ista tecnica culinaria se pueden trobar en a mayoría de culturas d'o mundo, como por eixemplo en Mexico, a on se diz tatemar.

Escalivando hortalicias mientres una calçotada

Etimología

Proviene d'o verbo escalivar, en aragonés y catalán 'meter a o calivo' (en catalán caliu). En Aragón, s'usa de forma marguinal en a provincia de Uesca, probablement por influyencia de l'aragonés. En provenzal se conoixe como calivar.

Caracteristicas

D'ista tecnica culinaria deriva a escalivada, una ensalada d'hortalicias escalivadas tipica de l'area mediterrania d'Espanya y d'a rechión francesa d'o Rosellón.

En os Países Catalans, s'escalivan mas que mas vechetals como pebres, alberchenas, cebollas, tomates, allos y garchofas, pero en un sentiu amplo tamién s'aplica a castanyas, trunfas, moniatos y mesmo o bacalau.

Bellas recetas locals, como a picada u o romesco, pueden incluyir alimentos calivaus pa que aporten una gustosa sabor zafumada. O tomate y l'allo s'escalivan y machucan pa fer pan con tomate. Cuantas cocas incluyen tamién hortalicias escalivadas, como a coca de recapte u a coca enramada de Tarragona.

Referencias

• Datos: Q11919704