Abrir menú principal

Districtos d'Austria

Os 94 districtos d'Austria en l'actualidat. As ciudatz estatutarias son marcadas en royo.

O districto (alemán: Bezirk) ye en a organización territorial d'Austria a división de segundo nivel por dezaga d'os estaus. As oficinas d'o districto son un punto primario de contacto entre os ciudadans y o estau ta muitos afers que exceden l'ambito municipal: matrimonios, carnets d'adugar, pasaportes u permisos d'armas y cazata.

A lei constitucional austriaca distingue dos tipos de autoridatz administrativas en os districtos:

  • comisions de districto (Bezirkshauptmannschaften), autoridatz administrativas que existen unicament ta o gubierno d'o districto.
  • ciudat estatutarias (Städte mit eigenem Statut u Statutarstädte), ciudatz que tienen bellas funcions adicionals de districto amás d'as suyas responsabilidatz municipals.

En l'anyo 2017, bi heba un total de 94 districtos, 79 d'ells gobernaus por comisions de districto y 15 por ciudatz estatutorias.

Muitos districtos son cheograficament congruents con un d'os 114 partius chudicials que existen en o país.

As ciudatz estatutorias no gosan decir-se "districtos" difueras de bellas publicacions d'o gubierno y de bells documentos legals. Muitas vegadas as achencias gubernamentals fan servir o termin "districto rural" (Landbezirke) ta fer referencia a os districtos que son gobernaus por comisions de districto, encara que dita expresión no apareixe en garra lei y que muitos d'istos "districtos rurals" no son guaire rurals dende o punto d'anvista urbanistico.

Se veiga tamiénEditar

ReferenciasEditar