Descusión:Raphanus sativus

Rabaneta

A rabaneta ye una variedat de rabano, más fina y que se puede comer cruda. Agora no tiengo tiempo de mirar-lo en os vocabularios pa poder-lo documentar en a zona mía, pero en casa mía tamién se feba la diferencia entre «rabanos» (asinas, con pronunciación plana -como os plaTAnos d'introducción más tardana-) y «rabanetas», anque ixo no gosa querer decir que no pertenezcan a la misma especie botanica: son variedatz de cultivo. O propio Libro de As Matas y Os Animals de R. Vidaller, que s'emplega como referencia d'o nombre popular en iste articlo, se i diz [P. 85] que «rabaneta» ye una variedat (sigla bar., mirar l'apéndiz d'alcorces que emplega l'autor en a pach 6.), cita que s'obtenió en Sos. En l'atra definición complementaria [P. 275] esplica que «rabaneta» en ixa zona ye «rábano pequeño que se come como ensalada». No ye sinonimo de rabano en cheneral. Isto gosa pasar con muitas hortalizas, que además d'as chenerals tienen variedatz concretas que s'emplega pa cosas concretas. O Dizionario de Vidaller ye una obra muit completa pero no ye tan fácil d'usar como en primeras nos podrinos pensar, y cal mirar-se enantes os apéndices pa entender a mecanica y, prou que sí: tornar ara sí y ara tamién a buscar as siglas que acompanyan a cada palabra, cada vez que lo emplegas. Ye una mica más pesau, pero a-saber qué útil pa preservar a diveridat lexica aragonesa. --Lascorz (descusión) 17:39 23 chi 2022 (UTC)

Fernando Romanos en o suyo Diccionario Aragonés-Castellano Castellano-Aragonés (Ed. Transiberiano), documenta ravano, con entonación plana tal como tos digo y en a grafía de l'EFA. --Lascorz (descusión) 17:46 23 chi 2022 (UTC)

no lo sé. He trobau que amaneixe "rabaneta" per la voz castellana "rábano" en Aragonario (https://aragonario.aragon.es/search/?q=r%C3%A1bano&l=es-ar), en lo vocabulario caspolino de Rafael Barceló (https://ifc.dpz.es/recursos/publicaciones/31/44/_ebook.pdf) y en lo vocabulario de Viello Sobrarbe de Chabier Tomás Arias (https://issuu.com/diputacionprovincialdehuesca/docs/el_aragon_s_del_biello_sobrarbe) Iggy1975 (descusión) 15:07 24 chi 2022 (UTC)