Descusión:Ganadería

Esisten as parabras bacumen, crabamen, mulamen e me pregunto por qué no esiste a parabra ¿ovellamen? u ¿güellamen? si esta clase de bestiar se cría més que as crabas. Beigo que ovín ye un cultismo e de seguro que bi abrá parabra patrimonial pa ixo.--EBRO 08:30 20 ago 2009 (UTC)

Sí que esiste "güellamen" en Chistau (o ganau obín, o conchunto de güellas, as güellas). Aprobeito e i fico as palabras documentadas por Fernando Blas en Chistau:

• amen: ababolamen, baxillamen, bedellamen, bestiamen, borregamen, caballamen, cascabillamen, cobillamen, costillamen, güellamen, latonamen, maziellamen, mulamen/mulatamen, ñudamen, pedramen, pollamen, pollinamen, someramen.
• umen: bacumen, crabumen, ferumen (malas olors, pudor), rechumen (embolico, muitas cosas chuntas y rebueltas).
• menta: ferramenta (conchunto de ferramientas), greñamenta, quebramenta, trucamenta (os trucos d'o ganau), zerramenta (melena).

L'autor se pregunta si se podría estenderse á atras reyalidaz no documentadas u neolochismos. Podríamos charrar de *camellamen? *conellamen? *sillamen? *bombillamen?, *botellamen?, *tellamenta? (fico l'asterisco ta que quede claro que istas no son documentadas, son nomás posibilidaz de fer serbir istos sufixos ta formazión de nuebas palabras). Fuent: Os sufixos -amen, -umen y -menta en chistabín ta esprisión de coleutibidá. Fernando Blas Gabarda. II trobada d'estudios y rechiras arredol d'a luenga aragonesa. --Juan Pablo 13:23 20 ago 2009 (UTC) Os cultimos tampoco no los tiraría de tot d'a pachina, podrían fer onra ta un luengache espezializau. Yo i metería: güellamen u bestiar obín, etz. --Juan Pablo 13:26 20 ago 2009 (UTC)

He bisto güellamen en o dizionario de chistabín. Si, s'ha de dar opzión d'escribir tamién obín e cosas asinas en o luengache espezializato, a lo menos publicazions d'o tipo que leigan chents de diferents países.--EBRO 15:54 24 ago 2009 (UTC)