Descusión:Escureixiu

O concepto de orto u quan encomienza o día

Agora traducindo cosas d'un articlo en anglés m'he planteyau si en aragonés se diz amaneixer como sustantivo. A yo me suena rarizo y forzau y he suposau que se diz alba por como se diz a lo planeta estrelón de l'alba en o Viello Sobrarbe. He mirau en o endiz de Vocables y dan a la parola alba una distribución oriental que plega enta o surueste dica Tardienta, y a forma amaneixer como sustantivo no la he trobada. Creigo que en catalán no se diz a parola amanéixer como sustantivo, y de feito existe por o menos dialectalment o verbo amanir pa dicir apareixer en un puesto. Tanto en catalán como en castellán se diz alba a lo encomienzo d'o día. Mirando con o buscador de biquipedia he visto que dica bi ha títols de libros con o sustantivo amaneixer, suposo que será un neoaragonesismo por calcar dreitament. Yo

Emplego de "de o" en l'articlo

En relación con ista edición de Will, cal remerar quala cosa diz a normativa de l'Academia, en a suya pachina 52:

Solo son susceptibles d'estas aportrofacions as preposicions ... de... Existe dos opcions, segunte as diferents variedatz dialectals, con apostrofación u sin ella:
-Con apostrofación:
Preposición de d'o/d'el, d'os/d'els.
-Sin apostrofación:
Preposición de: de lo, de los.

Asinas, no ye verdat que de o u de a siga correcto, nomás son correctos d'o/d'a y de lo, de la. Por ixo he feito o cambeo de o -->d'o y de a --> d'a. --Manuel Trujillo Berges 18:01 13 chun 2010 (UTC)

Si, tiens razón. As formas de o, de a se troban un poquet porque son as que recomienda Francho Nagore en a suya gramatica de l'aragonés, libro que de seguro que debes conoixer. Manimenos, por més que ye lo que recomendaba ni a suya propia asociación lo aplicaba, porque escribiban consello d'a fabla aragonesa.--EBRO 19:09 13 chun 2010 (UTC)

Mmm... no heba leyiu que heban normalizau tamién os apostrofes d'a preposición "de"..., pero ye verdat :-O Yo lo heba esfeito porque creyeba que en a nueva grafía tamién yeran validas y como lo meteba asinas l'autor primero de l'articlo... pero alavez asinas ye bien (a más ye l'alternativa que siempre emplego yo y la que más se fa servir en Biquipedia) --Willtron (?) 19:16 13 chun 2010 (UTC)

Tamién cal parar cuenta que bi ha en Biquipedia muitos n'o y n'a que son incorrectos en a nueva grafía, en no aceptar-se l'apostrofación d'a preposición en. --Manuel Trujillo Berges 19:23 13 chun 2010 (UTC)