Domingo

(Reendrezau dende Demenche)

O domingo u dominche (con as variants dimenche, demenche y dumenche)[1] ye, tradicionalment, o sieteno día d'a semana. A ran internacional, o stándard ISO 8601 de l'anyo 2004, establió que a semana prencipia en lunes y remata en domingo, considerándo-lo, asinas, o zaguer día d'a semana.

La Resurrección d'El Greco (1596-1599).

O domingo ye o primer día d'a semana liturchica en a tradición cristiana, igual que lo ye en atras tradicions culturals. O domingo ye considerato un día festivo en a mayoría d'os países d'o mundo y fa parti d'o cabo de semana. Nomás países influitos por a cultura islamica u chodiga tienen o viernes u o sabado como o día festivo semanal.

O calandario gregoriano se repite cada 400 anyos y dengún sieglo prencipia en domingo. O cabo d'anyo chodigo nunca no caye en domingo. Qualsiquier mes que prencipie en domingo tendrá un viernes 13.

ReferenciasEditar

  1. (an) Versión preliminar d'o Diccionario Ortografico d'o Estudio de Filolochía Aragonesa, inedita. Noviembre 2021.