Cul de Crabioles
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O cul de Crabioles (en francés cirque des Crabioules) ye un cul d'os Pireneus situau en o departamento de l'Alta Garona en a rechión d'Occitania (Francia). Domina la val de Lis.
Toponimia editar
O toponimo benasqués de Crabioles y gascón de Crabieues fa referencia a un puesto a on se troban crabas.
Cheografía editar
O cul se troba a o fundo d'a val de Lis y ye rodiau d'ueste a este por o Petit Quayrat u mont Arrouy (2.847 m), o Grand Quayrat (3.060 m), o pico Lézat (3.107 m), a tuca de Crabioles (3.116 m) y a tuca de Malpás (3.109 m).
Baixo o suyo canto occidental se troba l'ibón de Crabioles (2.590 m) y baixo l'oriental l'ibón d'Enfer (2.430 m) chunto a o cubilar de Malpás.
Vías d'acceso editar
Dende tierra plana, se i puet acceder a piet por un sendero a traviés d'a val de Lis.
O cul de Crabioles comunica con Aragón a traviés d'o cuello de Crabioles, situau a más de 3.000 metros d'altaria entre as tucas de Crabioles y de Malpás. Por o costau francés, l'acceso a iste cuello ye dificil si encara bi ha chelo (presencia de cheleras prou enclinadas). Dende Aragón, se i plega dreitament por o sudeste vía la crencha y o cul de Remunye.