Charlo

(Reendrezau dende Charla)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Charlo[1][2] u charro[1] (y tamién, puet estar que por mesclar-se con a parola «tordo», chordo[1]) son os nombres comuns con que se nombra a las especies más grans de tordas que tienen a esquena grisa, anque o papo y a tripa sían blancos con piquetas marrons como as de demás, que a diferencia de las atras tordas más chicorronas se gosa cazar y minchar.

Un charlo u charro d'a especie Turdus viscivorus.

O zoonimo coloquial s'aplica más que más a la especie Turdus viscivorus, pero tal como transcribe Rafel Vidaller en a suya obra sobre os nombres d'animals y plantas en aragonés, tamién puede trobar-se que s'emplegue pa nombrar atras especies de tordas de caracteristicas semellants (notablement, a color grisa en a esquena y as alas, y no pas parda como ye más tipica en o chenero Turdus), como T. iliacus[1] y T. pilaris.[1]

Se veiga tamién editar

Referencias editar

  1. 1,0 1,1 1,2 1,3 1,4 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza, 2004. ISBN 978-84-8986-235-7
  2. (es) MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5